ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
മക്ക: ഗള്ഫ് രാജ്യങ്ങളില് ഇന്ന് ബലിപെരുന്നാള് ആഘോഷിക്കുകയാണ് , വലിയ ആഘോഷങ്ങള് പരസ്യമായില്ലെങ്കിലും എല്ലാ ആഘോഷവും വീടുകളില് ഒതുക്കിയിരിക്കുകയാണ് മഹാമാരിയുടെ കാലത്ത്,
അതിനിടെ ഹജ്ജ് കര്മ്മങ്ങള് പുരോഗമിക്കുകയാണ് അറഫായിലെ പകലിന് ശേഷം രാത്രി മുസ്ദലിഫയിലേക്കും അവിടെനിന്ന് ഇന്ന് പുലര്ച്ചെ മിനായിലേക്കും നീങ്ങിയ ഹാജിമാര് വിശുദ്ധ കര്മത്തിന്റെ മൂന്നാം ദിനത്തിലേക്ക് പ്രവേശിച്ചു. പൂര്ണമായും പ്രശ്നരഹിതമായിരുന്ന അറഫാ ദിനത്തില് കാലാവസ്ഥയും അനുകൂലമായിരുന്നു.
ഹജിലെ ഏറ്റവും പ്രധാന ചടങ്ങായ അറഫാ ദിനത്തില്, ഹാജിമാര് 12 മണിക്കൂറാണ് അറഫാ മലകളില് പ്രാര്ഥനാനിരതരായത്. അറഫാ ദിന പ്രസംഗം ശ്രവിച്ച് സന്ധ്യയോടെ അവര് മുസ്ദലിഫയുടെ വിശാലതയിലേക്ക് നീങ്ങി. അര്ധരാത്രിയോടെ അവിടെനിന്ന് മിനായിലേക്ക്. മുസ്ദലിഫയില്നിന്ന് അവര് പിശാചിനെ പ്രതീകവത്കരിക്കുന്ന കല്തൂണുകളിലേക്ക് എറിയാന് ചെറിയ കല്ലുകള് ശേഖരിച്ചു.
എല്ലാ ബസുകള്ക്കും സുരക്ഷാ അകമ്പടിയുണ്ടായിരുന്നു. സുഗമമായ ട്രാഫിക് ഉറപ്പുവരുത്താന് നിശ്ചിത ഇടവേളകളിലാണ് ഓരോ ബസും നീങ്ങിയത്. അറഫാ ദിനത്തിന് ശേഷം ഹാജിമാര് മിനായില് തിരിച്ചെത്തുന്ന ആദ്യ ദിനമാണ് ഈദുല് അദ്ഹാ അഥവാ ബലിപ്പെരുന്നാള്. സൗദി അറേബ്യയടക്കമുള്ള അറബ് രാജ്യങ്ങള് ഇന്ന് പെരുന്നാള് ആഘോഷിക്കുകയാണ് . ചാന്ദ്രപ്പിറവിയുടെ അടിസ്ഥാനത്തില് കേരളത്തില് ജൂലായ് 21 ആണ് ബലിപെരുന്നാള്.
മലയാളമിത്രത്തിന്റെ എല്ലാ പ്രേഷകര്ക്കും ബലിപെരുന്നാള് ആശംസകള്.
