മലയാളമിത്രം ഗൾഫ് ഡസ്ക് 
റിയാദ് : പൊടുന്നനെ ഉണ്ടാകുന്ന ദുരന്തങ്ങളുടെ സമയത്ത് തളർന്നു പകച്ചു നിൽക്കാതെ സഹജീവികളെ ചേർത്തുപിടിക്കാനും മറ്റുള്ളവർക്ക് സാധ്യമാകുന്ന വിധത്തിൽ അത്താണിയാവാനും ആണ് നമ്മൾ ശ്രദ്ധിക്കേണ്ടതെന്ന് ഇന്ത്യൻ കൾച്ചറൽ ഫൗണ്ടേഷൻ (ഐ സി എഫ്) പ്രസിഡൻറ് മുഹമ്മദ് കുട്ടി സഖാഫി ഒളമതിൽ
ഉൽബോധിപ്പിച്ചു.
വയനാട്ടിലെ പ്രകൃതി ദുരന്തത്തിൽ അകപ്പെട്ടവർക്കും രക്ഷാപ്രവർത്തനങ്ങളിൽ ഏർപ്പെട്ടവർക്കും വേണ്ടിയുള്ള പ്രാർത്ഥനാ സംഗമത്തിന് നേതൃത്വം കൊടുത്തു കൊണ്ട് സംസാരിക്കുകയായിരുന്നു അദ്ദേഹം.അപകടകരമായ ഈ സമയത്ത് എല്ലാവരും നിതാന്ത ജാഗ്രത പാലിക്കണമെന്നും അദ്ദേഹം കൂട്ടിച്ചേർത്തു.
ബത്‌ഹ അൽമാസ് ഓഡിറ്റോറിയത്തിൽ നടന്ന സംഗമത്തിൽ സെക്രടറി അബ്ദുൽ മജിദ് താനാളൂർ,ഫിനാൻസ് സെക്രട്ടറി ഷമീർ രണ്ടത്താണി,ദഅവാ പ്രസിഡൻറ് അബ്ദു റഹിമാൻ സഖാഫി,എന്നിവരും പ്രസംഗിച്ചു.
