തൊഴിലാളികൾക്ക് ഇഫ്താർ സംഗമ വിനോദ യാത്ര

സൗദിയിലെ പ്രമുഖ പ്രിന്റിംഗ് സ്ഥാപനമായ സ്റ്റാർ കമ്പനി ഇഫ്താർ സംഗമത്തിന്റെ ഭാഗമായി തൊഴിലാളികൾക്കായി വിനോദ യാത്ര സംഘടിപ്പിച്ചു മാതൃകയായി. സുദയറിൽ നിന്നുള്ള തൊഴിലാളികളെയും മറ്റുദ്യോഗസ്ഥരേയും റിയാദിലെത്തിച്ചു വിപുലമായ ഇഫ്താർ നൽകിയ ശേഷം റിയാദ് ബോളിവാഡ് ഉൾപ്പെടെയുള്ള സ്ഥലങ്ങൾ സന്ദർശിക്കാൻ അവസരമൊരുക്കിയശേഷം വിപുലമായ അത്താഴവും നൽകിയാണ് മടക്കിയത്.

അത്താഴശേഷം തങ്കച്ചൻ വർഗീസ്, ലിനറ്റ് സ്‌കാരിയ എന്നിവർ ചേർന്ന് നടത്തിയ സംഗീത സായഹ്‌നവും ശ്രദ്ദേയമായി.2024ലെ മികച്ച തൊഴിലാളികൾക്കുള്ള അവാർഡ് ഓപ്പറേഷൻസ് മാനേജർ ജിം ലൂക്കോസ് പ്രഖ്യാപിച്ചു. മാനേജിങ് ഡയറക്ടർ ഡേവിഡ് ലൂക് പരിപാടികൾക്ക് നേതൃത്വം നൽകി.