ജയൻ കൊടുങ്ങല്ലൂർ 
ജിദ്ദ: ജിദ്ദയിലെ മലയാളി മാധ്യമ പ്രവര്‍ത്തകരുടെ കൂട്ടായ്മായായ ജിദ്ദ ഇന്ത്യൻ മീഡിയ ഫോറം ഇഫ്താര്‍ സംഗമവും കേരള ജേണലിസ്റ്റ് യൂണിയൻ മെമ്പർഷിപ്പ് വിതരണവും സംഘടിപ്പിച്ചു. ദേ പുട്ട് റസ്റ്റോറ ന്റിൽ സംഘടിപ്പിച്ച പരിപാടിയില്‍ മെമ്പര്‍മാരും കുടുംബങ്ങളും പങ്കെടുത്തു. സംഗമത്തില്‍ പ്രസി ഡന്റ് കബീര്‍ കൊണ്ടോട്ടി അധ്യക്ഷത വഹിച്ചു. കേരള ജേർണലിസ്റ്റ്‌ യൂണിയൻ മെമ്പർഷിപ്പ് കാർഡ് വിതരണം ചെയ്തു.
ഇബ്റാഹീം ശംനാട് റമദാന്‍ സന്ദേശം നല്‍കി. ഖുര്‍ആനും റമദാനും അഭേദ്യമായി ബന്ധപ്പെട്ടിരിക്കുന്നു വെന്നും ഖുര്‍ആന്‍ പഠനം ഉപവാസവുമായി സന്നിവേശിപ്പിക്കേണ്ടതുണ്ടെന്നും അദ്ദേഹം ഓര്‍മ്മപ്പെ ടുത്തി. ഹസന്‍ ചെറൂപ്പ, ജലീൽ കണ്ണമംഗലം, ജാഫറലി പാലക്കോട്, സാദിഖലി തുവ്വൂർ, സുൽഫീക്കർ ഒതായി, ഗഫൂർ കൊണ്ടോട്ടി, ഗഫൂർ മമ്പുറം, നാസര്‍ കരുളായി, മുസ്തഫ പെരുവള്ളൂര്‍ തുടങ്ങിയവര്‍ സംസാരിച്ചു.
കേരള ജര്‍ണലിസ്റ്റ് യൂനിയന്റെ കാര്‍ഡ് ജിദ്ദ ഇന്ത്യ മീഡിയ ഫോറം അംഗങ്ങള്‍ക്ക് വിതരണം ചെയ്തു. ദ മലയാളം ന്യൂസിലെ വഹീദ് സമാന്‍, എൻ.എം സ്വാലിഹ് എന്നിവര്‍ക്ക് പുതുതായി ജിദ്ദ ഇന്ത്യ മീഡിയ ഫോറത്തില്‍ അംഗത്വം നല്‍കി. ജനറല്‍ സെക്രട്ടറി ബിജുരാജ് രാമന്തളി സ്വാഗതവും ട്രഷറര്‍ പി.കെ. സിറാജ് നന്ദിയും പറഞ്ഞു.
