മലയാളമിത്രം ഗൾഫ് ഡസ്ക് 
ജിദ്ദ: കെ.എം.സി.സി ജിദ്ദ സെൻട്രൽ കമ്മിറ്റി വനിത വിംഗ് ജിദ്ദ പൊതു സമൂഹത്തിലെ വനിതകളുടെ ഉന്നമനം ലക്ഷ്യം വെച്ച് സ്ത്രീപഥം എന്ന പേരിൽ സംഘടിപ്പിച്ച സ്ത്രീ ശാക്തീകരണ സെഷൻ വനിതകളുടെ പങ്കാളിത്തം കൊണ്ട് ശ്രദ്ധേയമായി. സംരഭകത്വം അടക്കമുള്ള മേഖലകളിൽ സെഷൻ വഴികാട്ടിയായി. കുട്ടികൾക്കായി സ്വഭാവ രൂപീകരണ ശില്പശാലയും സംഘടിപ്പിച്ചു. പ്രമുഖ ട്രെയ്നറും മോട്ടിവേറ്ററുമായ ഡോ. അബ്ദുസ്സലാം ഒമർ വിവിധ പരിശീലന സെഷനുകൾക്ക് നേതൃത്വം നൽകി.
വനിതകൾക്കിടയിലെ തുടക്കക്കാരായ ചെറിയ സംരംഭകരെ പ്രോത്സാഹിപ്പിക്കുന്നതോടൊപ്പം ഇത്തരം സാധ്യതകളെ നമ്മുടെ സഹോദരിമാർക്ക് പരിചയപ്പെടുതുകയെന്ന ലക്ഷ്യത്തോടെ നടത്തിയ വനിത ബസാർ പരിപാടിയെ വർണാഭമാക്കി. പരിപാടിയിൽ പങ്കെടുത്ത വനിതകൾക്ക് സർബത്ത് മേക്കിങ് മത്സരവും നടത്തി. വളരെ വ്യത്യസ്തമായ രീതിയിൽ ചേരുവകൾ തൽസമയം മത്സരാർത്ഥികൾക്ക് നൽകിയാണ് മത്സരം സംഘടിപ്പിച്ചത്.
” BEST OUT OF WASTE ” എന്ന പേരിൽ പാഴ് വസ്തുക്കളിൽനിന്നും കരകൗശലം തീർക്കുന്ന മത്സരവും നടത്തി. പൊതു പരിപാടി സൗദി കെഎംസിസി നാഷണൽ കമ്മറ്റി ട്രഷറർ അഹമ്മദ് പാളയാട്ട് ഉൽഘാടനം ചെയ്തു. സെൻട്രൽ കമ്മറ്റി ഭാരവാഹികളായ റസാഖ് മാസ്റ്റർ, വി പി മുസ്തഫ, ജലാൽ തേഞ്ഞിപ്പലം, സാബിൽ മമ്പാട് തുടങ്ങിയവർ പ്രസംഗിച്ചു. ജിദ്ദ കെഎംസിസി വനിതാ വിങ് പ്രസിഡന്റ് മുംതാസ് പാലോളി അധ്യക്ഷത വഹിച്ചു.
ജനറൽ സെക്രട്ടറി ഷമീല മൂസ സ്വാഗതവും ട്രഷറർ ഖദീജത്തുൽ കുബ്ര നന്ദിയും പറഞ്ഞു. കെഎം സിസി വനിത വിംഗ് ഭാരവാഹികളായ സലീന ഇബ്രാഹിം, ഹസീന അഷ്‌റഫ്‌, ജസ്‌ലിയ ലത്തീഫ്, നസീഹ അൻവർ, മിസ്‌രിയ ഹമീദ് , സാബിറ മജീദ്, ശാലിയ വഹാബ്, ബസ്മ സബിൽ, ഇർഷാദ ഇല്യാസ് ,ഹാജറ ബഷീർ, നസീമ ഹൈദർ, സുരയ്യ നൗഷാദ് , മൈമൂന ഇബ്രാഹിം എന്നിവർ വിവിധ സേഷനുകൾക്ക് നേതൃത്വം നൽകി.
