മലയാളമിത്രം വെബ് ഡസ്ക് 
റിയാദ് : കേളി കലാസാംസ്കാരിക വേദിയുടെയും കുടുംബവേദിയുടെയും അംഗങ്ങ ളുടെ കുട്ടികൾക്കായി ഏർപ്പെടുത്തിയ വിദ്യാഭ്യാസ പുരസ്കാരം 2022- 23 ന്റെ തൃശ്ശൂർ ജില്ലാതല വിതരണം നടത്തി. ജില്ലയിൽ നിന്നും അർഹരായ 10 കുട്ടികൾക്കാണ് പുരസ്കാരം വിതരണം ചെയ്‌തത്‌.
പത്താം ക്ലാസ്സിലും പ്ലസ് ടു വിലും തുടർപഠനത്തിന്ന് യോഗ്യത നേടിയ കേളി അംഗങ്ങ ളുടെ കുട്ടികൾക്ക് പ്രോത്സാഹനം നൽകുന്നതിനായി ഏർപ്പെടുത്തിയതാണ് ‘കേളി എജ്യൂക്കേഷണൽ ഇൻസ്‌പരേഷൻ അവാർഡ്’ അഥവാ ‘കിയ’ മൊമെന്റോയും ക്യാഷ് പ്രൈസും അടങ്ങുന്നതാണ് പുരസ്കാരം. തൃശൂർ കെ.എസ്.ടി.എ ഹാളിൽ നടന്ന ചടങ്ങിൽ മുൻ വ്യവസായ വകപ്പ് മന്ത്രിയും കുന്നംകുളം എം.എൽ.എ യുമായ എ സി മൊയ്തീൻ ചടങ്ങ് ഉദ്ഘാടനം ചെയ്തു. കേരള പ്രവാസി സംഘം തൃശ്ശൂർ ഏരിയ സെക്രട്ടറി വി ആർ സുരേഷ് ചന്ദ്രൻ അധ്യക്ഷത വഹിച്ചു.
കേരള പ്രവാസി സംഘം സംസ്ഥാനകമ്മറ്റി അംഗം സുലേഖ ജമാൽ, സിപിഐഎം തൃശ്ശൂർ ഏരിയ കമ്മറ്റി അംഗം അഡ്വക്കറ്റ് പി ആർ ജയകുമാർ, കേളി മുൻ കേന്ദ്രകമ്മറ്റി അംഗം ബോബി മാത്യു എന്നിവർ ആശംസകൾ അർപ്പിച്ചു സംസാരിച്ചു. കേളി സനയ്യ അർബൈൻ രക്ഷാധികാരി സമിതി അംഗം മൊയ്തീൻ കുട്ടി പുരസ്‌കാര ജേതാക്കളെ പരിചയപ്പെടുത്തി.
പത്താംതരത്തിൽ നിന്നും അബ്ദുൽ അഹദ് ആഷിഖ്, ദേവിക ലാൽ കെ, ലിയന ഷബ്നം കെ എ, മുഹമ്മദ് സിനാൻ, ശ്യാംജിത് പി എസ്, അനന്തകൃഷ്ണ സി പി എന്നീ ആറ് കുട്ടികളും പ്ലസ്‌ടു വിഭാഗത്തിൽ നിന്നും നസല പി.എസ്, ഭരത് ഇ എ, ഹർഷ വി ബി, നീതിൻ എന്നീ നാല് കുട്ടികളുമാണ് പുരസ്‌കാര ജേതാക്കൾ. ഇവർക്കുള്ള പുരസ്‌കാര ങ്ങൾ എം എൽ എ വിതരണം ചെയ്തു. കേളി അംഗങ്ങളായിരുന്ന അഷ്റഫ് .കെ. സി സ്വാഗതവും ദാസൻ കൃഷ്ണൻ നന്ദിയും പറഞ്ഞു.
റിയാദിലെ വിദ്യാലയങ്ങളിൽ നിന്നും അർഹരായ 20 വിദ്യാർത്ഥികൾക്ക് റിയാദിൽ ഒരുക്കിയ ചടങ്ങിൽ പുരസ്കാരം വിതരണം ചെയ്തിരുന്നു. പത്താം ക്ലാസ് വിഭാഗത്തിൽ 129, പ്ലസ് ടു വിഭാഗത്തിൽ 99 എന്നിങ്ങനെ 228 കുട്ടികൾ ഈ അധ്യയനവർഷം പുരസ്‌കാരത്തിന് അർഹരായിട്ടുള്ളത്. ആലപ്പുഴ 9, എറണാകുളം 7, കണ്ണൂർ 25, കാസർകോട് 3, കൊല്ലം28, കോട്ടയം 3, കോഴിക്കോട് 22, തിരുവനന്തപുരം 31, പത്തനംതിട്ട 4, പാലക്കാട് 20, മലപ്പുറം 44, വയനാട് 2 എന്നിങ്ങനെ പുരസ്‌കാരത്തിന് അർഹരായ കുട്ടികൾക്ക് ജില്ലാതലങ്ങളിലും മേഖലാ തലങ്ങളിലുമായി കേരള പ്രവാസി സംഘത്തിന്റെ സഹകരണത്തോടെ വരും ദിവസങ്ങളിൽ പുരസ്കാരം വിതരണം ചെയ്യും.
