ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ടോങ്ക്: അധ്യാപക യോഗ്യത നിര്ണയ പരീക്ഷയ്ക്കിടെ നടന്ന ഒരു അപൂര്വ സംഭവത്തെക്കുറിച്ചുള്ള വാര്ത്തകള് പുറത്ത് വന്നിരിക്കുന്നു. പരീക്ഷ എഴുതുന്നതിനിടെ പരീക്ഷാര്ത്ഥികളിലൊരാള്ക്ക് പ്രസവ വേദന അനുഭവപ്പെടുകയും ഉടന് തന്നെ അവരെ അധികൃതര് ആശുപത്രിയിലെത്തിക്കുകയും ചെയ്തു. അല്പ്പസമയത്തിനകം അവര് ഒരു പെണ്കുഞ്ഞിന് ജന്മം നല്കി. രാജസ്ഥാനിലെ ടോങ്ക് ജില്ലയില് നിന്നാണ് ഈ വാര്ത്ത പുറത്ത് വന്നിരിക്കുന്നത്.
പരീക്ഷ തുടങ്ങി മിനിറ്റുകള്ക്കകം തന്നെ പ്രിയങ്ക ചൗധരി എന്ന യുവതിക്ക് പ്രസവവേദന തുടങ്ങി. ടോങ്ക് ജില്ലയിലെ മല്പ്പുരയിലുള്ള ബാഗ്ദി ഗ്രാമത്തില് നിന്നുള്ള യുവതിയാണ് ഇത്. ഇവര്ക്ക് പ്രസവ വേദന ഉണ്ടായ ഉടന് തന്നെ പരീക്ഷ കേന്ദ്രത്തിന്റെ സൂപ്രണ്ട് ജില്ലാ ഭരണകൂടത്തെ വിവരം അറിയിച്ചു. ഉടന് തന്നെ അവരെ സാദത്ത് ആശുപത്രിയില് പ്രവേശിപ്പിക്കുകയും ചെയ്തു. പിന്നാലെ തന്നെ പ്രസവവും നടന്നു.
തങ്ങള് പരീക്ഷയ്ക്ക് എത്തിയതാണ്. മകള് ഇവിടെ വച്ച് തന്നെ പിറക്കുമെന്ന് തങ്ങള് കരുതിയിരു ന്നേയില്ല എന്ന് പ്രിയങ്കയുടെ ഭര്ത്താവ് ജീത്റാം ചൗധരി പറഞ്ഞു. ഇത് ഒരു ഭാഗ്യ സൂചനയാണ്. പരീക്ഷ സമയത്ത് ലക്ഷ്മി ദേവി ഞങ്ങളുടെ വീട്ടിലേക്ക് കടന്ന് വന്നിരിക്കുന്നുവെന്നും അദ്ദേഹം കൂട്ടിച്ചേര്ത്തു. അതേസമയം വേദന അനുഭവപ്പെട്ടതിനാല് പ്രിയങ്കയ്ക്ക് പരീക്ഷ എഴുതി പൂര്ത്തിയാക്കാനായില്ല. അതില് പ്രിയങ്കയ്ക്ക് അല്പ്പം വിഷമമുണ്ടെന്നും അദ്ദേഹം പറഞ്ഞു.
2025 റീറ്റ് പരീക്ഷയ്ക്ക് 14 ലക്ഷം അപേക്ഷകരാണ് ഉണ്ടായിരുന്നത്. ഫെബ്രുവരി 27, 28 തീയതികളി ലായാണ് പരീക്ഷ നടന്നത്. രാജസ്ഥാനിലെ 1731 കേന്ദ്രങ്ങളിലായാണ് പരീക്ഷ സജ്ജമാക്കിയിരുന്നത്. രണ്ട് തലങ്ങളിലേക്കാണ് റീറ്റ് പരീക്ഷ നടത്തുന്നത്. ഒന്നാം ലെവല് ഒന്നുമുതല് അഞ്ചുവരെയുള്ള ക്ലാസുകളി ലേക്കുള്ള അധ്യാപകര്ക്കും രണ്ടാം ലെവല് പരീക്ഷ ആറുമുതല് എട്ട് വരെ ക്ലാസുകളിലേക്കുള്ള അധ്യാ പകരുടെ നിയമനത്തിനുമായാണ് നടത്തുന്നത്.
