ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കൊച്ചി 
കൊച്ചി: മഞ്ചേശ്വരം തെരഞ്ഞെടുപ്പ് കോഴക്കേസില് ബിജെപി മുന് സംസ്ഥാന അധ്യക്ഷന് കെ സുരേ ന്ദ്രന് ഹൈക്കോടതിയുടെ നോട്ടീസ്. കെ സുരേന്ദ്രനെ കുറ്റവിമുക്തനാക്കിയതിനെതിരെ സര്ക്കാര് നല്കിയ അപ്പീല് ഹര്ജിയിലാണ് നോട്ടീസ്. ഹര്ജി ഈ മാസം 30 ന് വീണ്ടും പരിഗണിക്കും. മഞ്ചേശ്വ രത്ത് സ്ഥാനാര്ഥിയെ പിന്വലിക്കാന് കോഴ നല്കിയെന്നാണ് കേസ്.’
കെ സുരേന്ദ്രനെ പ്രതിപ്പട്ടികയില് നിന്നൊഴിവാക്കിയ സെഷന്സ് കോടതി വിധിയില് പിഴവുണ്ടെന്നും നിയമ വിരുദ്ധമാണ് എന്നുമാണ് അപ്പീലില് സര്ക്കാരിന്റെ വാദം. പൊലീസ് നല്കിയ തെളിവുകള് പരിശോധിക്കാതെയാണ് വിചാരണക്കോടതി തീരുമാനമെടുത്തത്. പ്രതി നല്കിയ സാക്ഷിമൊഴി മാത്രം പരിഗണിച്ചാണ് കോടതിയുടെ നടപടിയെന്നുമാണ് സര്ക്കാര് അപ്പീലില് പറയുന്നത്.
2021ലെ നിയമസഭാ തെരഞ്ഞെടുപ്പില് ബിഎസ്പി സ്ഥാനാര്ഥിയായിരുന്ന കെ സുന്ദരയ്യക്ക് സ്ഥാനാര്ത്ഥിത്വം പിന്വലിക്കാനായി കോഴ നല്കിയെന്നാണ് ബദിയടുക്ക പൊലീസ് രജിസ്റ്റര് ചെയ്ത കേസ്. സ്ഥാനാര്ഥിത്വം പിന്വലിക്കാന് രണ്ട് ലക്ഷം രൂപയും സ്മാര്ട്ട് ഫോണും കോഴ നല്കിയെന്നാണ് കെ സുരേന്ദ്രനെതിരായ ആരോപണം.
