അന്താരാഷ്ട്ര ഡെസ്ക് 
വാഷിങ്ടൺ ഡിസി : ഡെമോക്രാറ്റിക് പാർട്ടിയുടെ പ്രസിഡന്‍റ് സ്ഥാനാർഥിയായി മത്സരിക്കാൻ യുഎസ് വൈസ് പ്രസിഡന്‍റ് കമല ഹാരിസിനെക്കാൾ യോഗ്യരായ മറ്റാരും ഇല്ലെന്ന് വൈറ്റ് ഹൗസ് പ്രസ് സെക്രട്ടറി കരീൻ ജീൻ പിയറി. പ്രസിഡന്‍റ് ജോ ബൈഡൻ ഈ തീരുമാനത്തില്‍ അഭിമാനിക്കുന്നു എന്നും പിയറി പറഞ്ഞു. വൈറ്റ് ഹൗസ് ബ്രീഫിങ്ങിനെ അഭിസംബോധന ചെയ്യുകയായിരുന്നു കരീന്‍ ജീന്‍ പിയറി.
‘കമല ഹാരിസ് നാല് വർഷത്തിലേറെയായി വൈസ് പ്രസിഡന്‍റായി സേവനമനുഷ്‌ഠി ക്കുകയാണ്. ഈ നിമിഷത്തിൽ കൂടുതൽ യോഗ്യതയുള്ള മറ്റാരെയും ഞാൻ കാണു ന്നില്ല. അവർ ഒരു സെനറ്ററായിരുന്നു. അവർ ഒരു അറ്റോർണി ജനറലായിരുന്നു…’- പിയറി പറഞ്ഞു.
കഴിഞ്ഞ 3.5 വർഷത്തിനിടെ കമല ഹാരിസ് 19-ല്‍ അധികം രാജ്യങ്ങൾ സന്ദർശിക്കു കയും 150-ല്‍ അധികം വിദേശ നേതാക്കളുമായി കൂടിക്കാഴ്‌ച നടത്തുകയും ചെയ്‌ത തായി വൈറ്റ് ഹൗസ് വെബ്‌സൈറ്റ് പറയുന്നു. അതേസമയം, ഇന്ന് (25-07-2024) യുഎസ് പ്രസിഡന്‍റ് ജോ ബൈഡൻ വൈറ്റ് ഹൗസിൽ നിന്ന് ജനങ്ങളെ അഭിസംബോധന ചെയ്യും. പ്രസിഡന്‍റ് തെരഞ്ഞെടുപ്പില്‍ നിന്ന് പിന്മാറിയതായി അറിയച്ചതിന് ശേഷം ബൈഡന്‍റെ ആദ്യത്തെ പ്രസംഗമാണിത്. സമൂഹ മാധ്യമമായ എക്‌സിലാണ് ബൈഡൻ ഇക്കാര്യം അറിയിച്ചത്.
