ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ജയൻ കൊടുങ്ങല്ലൂർ 
റിയാദ്: കോടിക്കണക്കിന് മില്യണ് റിയാല് വാരിയെറിഞ്ഞ് ടൂറിസം മേഖലയില് വന്കുതിപ്പ് നടത്തുന്ന സൗദി അറേബ്യ 2030ഓടെ ഇന്ത്യയില് നിന്ന് പ്രതീക്ഷിക്കുന്നത് 75 ലക്ഷം വാര്ഷിക സഞ്ചാരികളെ. സൗദി ടൂറിസം അതോറിറ്റി ഏഷ്യ-പസഫിക് പ്രസിഡന്റ് അല്ഹസന് അല്ദബ്ബാഗ് ആണ് ഇക്കാര്യം വ്യക്തമാക്കിയത്. ഗ്രേറ്റര് നോയിഡയിലെ ഇന്ത്യ എക്സ്പോ സെന്ററില് നടന്നുവരുന്ന SATTE 2024 (സൗത്ത് ഏഷ്യന് ട്രാവല് ആന്ഡ് ടൂറിസം എക്സ്ചേഞ്ച്) ട്രാവല് ഷോയില് പങ്കെടുക്കവെ യാണ് അദ്ദേഹം മനസ് തുറന്നത്.
സൗദി ടൂറിസം വിപണി ഏറ്റവും മുന്ഗണന നല്കുന്ന രാജ്യങ്ങളിലൊന്നാണ് ഇന്ത്യയെന്ന് അദ്ദേഹം പറഞ്ഞു. കഴിഞ്ഞ വര്ഷം മാത്രം ഇന്ത്യയില് നിന്ന് 15 ലക്ഷം സന്ദര്ശകരെ ഞങ്ങള് സ്വാഗതം ചെയ്തു. ആത്മീയവും വിനോദവുമായ ആവശ്യങ്ങ ള്ക്കായി ഇന്ത്യയില് നിന്ന് സൗദി അറേബ്യയിലേക്കുള്ള യാത്രക്കാരുടെ എണ്ണം വന്തോതില് വര്ധിച്ചിട്ടുണ്ട്.
ഇത് മൂന്നാം തവണയാണ് സൗദി അറേബ്യ ഈ ട്രാവല് ഷോയില് പങ്കെടുക്കുന്നതെന്ന പറഞ്ഞ അദ്ദേഹം സൗദി രാജ്യത്തിന്റെ സ്ഥാപകദിനത്തില് ഊഷ്മളമായ ബന്ധമുള്ള ഇന്ത്യ സന്ദര്ശിക്കാനായതില് അതീവ സന്തോഷമുണ്ടെന്നും മാധ്യമങ്ങളോട് പറഞ്ഞു. ദക്ഷിണേഷ്യയിലെ ഏറ്റവും വിശിഷ്ടമായ വ്യാപാര ഷോകളില് ഒന്നാണിതെന്നും അഭിപ്രായപ്പെട്ടു.
കഴിഞ്ഞ വര്ഷം സൗദി അറേബ്യയിലേക്കുള്ള ഇന്ത്യന് സന്ദര്ശകരുടെ എണ്ണത്തില് 50 ശതമാനം വളര്ച്ച കാര്യം അദ്ദേഹം പ്രത്യേകം പരാമര്ശിച്ചു. സൗദി വിഷന് 2030 പ്രകാരം വിനോദസഞ്ചാര മേഖലയെ ശക്തിപ്പെടുത്തിവരികയാണ്. ഇന്ത്യയുടെ പ്രാധാന്യം തിരിച്ചറിഞ്ഞ് ഞങ്ങള് സൗദിയിലേക്കുള്ള പ്രവേശനം കാര്യക്ഷമമാക്കി യിട്ടുണ്ട്. വിസ നടപടികള്ക്കായി ഇന്ത്യയില് 10 വിഎഫ്എസ് ഓഫീസുകളുണ്ട്. ഈ വര്ഷം കൂടുതല് വിപുലീകരിക്കാന് ഞങ്ങള് പദ്ധതിയിടുന്നു.
ഇന്ത്യക്കാര്ക്ക് 96 മണിക്കൂര് സൗജന്യ വിസ വല്കുന്ന സ്റ്റോപ്പ് ഓവര് പ്രോഗ്രാം ഇപ്പോഴുണ്ട്. സൗദി വഴി മറ്റു രാജ്യങ്ങളിലേക്ക് പോകുന്ന ഇന്ത്യക്കാര്ക്ക് സൗദിയില് തങ്ങാനും ഉംറ നിര്വഹിക്കാനും സ്ഥലങ്ങള് സന്ദര്ശിക്കാനും ഇതിലൂടെ സാധിക്കും. സൗദി എയര്ലൈന്സ് അല്ലെങ്കില് ഫ്ളൈനാസ് വിമാന ടിക്കറ്റ് ഉള്ളവര്ക്ക് മാത്രമാണ് സ്റ്റോപ്പ് ഓവര് വിസ ലഭിക്കുക. കൂടാതെ, യുഎസ്, യുകെ, അല്ലെങ്കില് ഷെഞ്ചന് വിസ കൈവശമുള്ള ഇന്ത്യക്കാര്ക്കും മറ്റും ഇ-വിസ അല്ലെങ്കില് വിസ ഓണ് അറൈവല് എന്നിവയ്ക്ക് അര്ഹതയുണ്ട്. ഈ വിഭാഗത്തില് പെടുന്നവര് സൗദിയില് ഇറങ്ങിയ ശേഷം വിസ എടുത്താല് മതിയാവും.
