ഓ ഐ സി സി റിയാദ്- പൊന്നാനി മണ്ഡലം കമ്മറ്റി ഷംസു കളക്കര പ്രസിഡണ്ട്‌

റിയാദ് : ഒ ഐ സി സി മലപ്പുറം ജില്ലാ കമ്മിറ്റിയുടെ കീഴിലുള്ള മുഴുവൻ നിയോജകമണ്ഡലം കമ്മിറ്റികളും രൂപീകരിക്കുന്നതിന്റെ ഭാഗമായി OICC റിയാദ് പൊന്നാനി നിയോജകമണ്ഡലം കമ്മറ്റി നിലവിൽ വന്നു. റിയാദിലെ OICC സബർമതി ഓഫീസിൽ വെച്ച് നടന്ന യോഗം സെൻട്രൽ കമ്മിറ്റി സീനിയർ വൈസ് പ്രസിഡന്റ് സലീം കളക്കര ഉൽഘടനം ചെയ്തു. ജില്ലാ വർക്കിംഗ് പ്രസിഡന്റ് വഹീദ്‌ വാഴക്കാട് അധ്യക്ഷൻ വഹിച്ചു. തിരഞ്ഞെടുക്കപ്പെട്ട പുതിയ മണ്ഡലം ഭാരവാഹികളെ ജില്ലാ സെക്രട്ടറി അൻസാർ നെയ്തല്ലൂർ പ്രഖ്യാപിച്ചു.

മണ്ഡലം പ്രസിഡന്റായി ഷംസു കളക്കരയെയും വൈസ് പ്രസിഡന്റുമാരായി മഹ്‌റൂഫ് വി. പി, റഫീഖ് ചക്കട്ടയിൽ എന്നിവരും ജനറൽ സെക്രട്ടറി ആയി അലി പി.വി യെയും സെക്രട്ടറിമാരായി ആയി അൽത്താഫ് കെ, സംറൂദ് എന്നിവരും ട്രഷറർ ആയി അസ്‌ലം കളക്കര യും തിരഞ്ഞെടുത്തു. ജില്ലാ വൈസ് പ്രസിഡന്റ് അബൂബക്കർ മഞ്ചേരി പുതിയ കമ്മിറ്റിക്ക് ആശംസകൾ അറിയിച്ചു സംസാരിച്ചു. ജില്ലാ ജനറൽ സെക്രട്ടറി ജംഷാദ് തുവ്വുർ സ്വാഗതവും അലി പി വി നന്ദിയും പറഞ്ഞു .