ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അന്താരാഷ്ട്ര ഡെസ്ക് 
ലണ്ടൻ: ആഗോള വിപണിയിൽ അസംസ്കൃത എണ്ണവിലയിൽ 5 ശതമാനം വർദ്ധനവ് രേഖപ്പെടുത്തി. മധ്യേഷ്യയിലെ സംഘർഷങ്ങൾ വിതരണ ശൃംഖലയെ ബാധിക്കുമെന്ന ആശങ്ക ശക്തമായതാണ് വിലവർദ്ധനവിന് കാരണമായത്. പ്രധാന അന്താരാഷ്ട്ര ബെഞ്ച്മാർക്കുകളായ ബ്രെന്റ് ക്രൂഡ്, വെസ്റ്റ് ടെക്സസ് ഇന്റർമീഡിയറ്റ് (WTI) എന്നിവയുടെ വിലയിൽ ഗണ്യമായ ഉയർച്ചയാണ് പ്രകടമായത്. ബാരലിന് 104.88 ഡോളര് ആണ് ഇന്നത്തെ വില
മധ്യേഷ്യയിലെ വർദ്ധിച്ചുവരുന്ന സംഘർഷങ്ങൾ വിതരണത്തിൽ കടുത്ത സമ്മർദ്ദം ചെലുത്തുന്നതായി വിപണി നിരീക്ഷകർ വിലയിരുത്തുന്നു. ലോകത്തിലെ ഏറ്റവും പ്രധാനപ്പെട്ട എണ്ണക്കടത്തു പാതയായ ഹോർമുസ് കടലിടുക്ക് വഴിയുള്ള കപ്പൽ ഗതാഗതത്തിൽ നേരിടുന്ന തടസ്സങ്ങളും ആശങ്ക വർദ്ധിപ്പി ക്കുന്നു. ഇത് എണ്ണ ലഭ്യതയെ ബാധിച്ചേക്കാമെന്ന ഭയം നിക്ഷേപകരെ വില ഉയർത്താൻ പ്രേരിപ്പിച്ച ഘടകം
അതേസമയം, എണ്ണവില വർദ്ധനവിനോടൊപ്പം സാമ്പത്തിക അനിശ്ചിതത്വം നിലനിൽക്കുന്നതിനാൽ സുരക്ഷിത നിക്ഷേപം എന്ന നിലയിൽ സ്വർണ്ണത്തിലേക്കും നിക്ഷേപകർ തിരിയുന്നുണ്ട്. ആഗോള സാമ്പത്തിക ആശങ്കകളെത്തുടർന്ന് സ്വർണ്ണ വിലയും തുടർന്നും ഉയരുകയാണ്. ആഗോള വിപണിയിലെ ഈ മാറ്റങ്ങൾ വരും ദിവസങ്ങളിൽ ഇന്ധന വിലയിലും സ്വർണ്ണ വിലയിലും കൂടുതൽ പ്രതിഫലിക്കാൻ സാധ്യതയുണ്ട്.
