മലയാളമിത്രം ഗൾഫ് ഡസ്ക് 
റിയാദ്: ആശയവിനിമയ മികവും പ്രഭാഷണ കലയും പരിശീലിയ്ക്കാന്‍ ശില്പശാല സംഘടിപ്പിക്കുന്നു. റിയാദ് മലയാളം ടോസ്റ്റ്മാസ്‌റ്റേഴ്‌സ് ക്ലബ് നവംബര്‍ 15ന് ബത്ഹ ഡി-പാലസ് ഓഡിറ്റോറിയത്തിലാണ് ഏകദിന ശില്പശാല സംഘടിപ്പിക്കുന്നത്. പങ്കെടുക്കാന്‍ താല്‍പര്യമുള്ളവര്‍ https://forms.gle/k8a8RYoHrKTkJTsQA ഗൂഗിള്‍ ഫോം വഴി രജിസ്റ്റര്‍ ചെയ്യണമെന്നും സംഘാടകര്‍ അറിയിച്ചു.
ആശയവിനിമയത്തിലുണ്ടാകുന്ന മികവും പ്രസംഗകലയും വ്യക്തികളിലെ നേതൃത്വ മികവിനും ആത്മവിശ്വാസത്തിനും കരുത്താകും. രാവിലെ 9ന് രജിസ്‌ട്രേഷനും പ്രഭാതഭക്ഷണവും. 10ന് ക്ലാസുകള്‍ ആരംഭിക്കും. ഉച്ചയ്ക്ക് 11:30 മുതല്‍ 1:30 വരെ പ്രാര്‍ത്ഥനയ്ക്കും ഉച്ചഭക്ഷണത്തിനും ഇടവേള. വൈകുന്നേരം 5:30 വരെ ക്ലാസുകള്‍ തുടരുമെന്നും സംഘാടകര്‍ അറിയിച്ചു..
