റഫീഖ്​ പന്നിയങ്കരയുടെ പുതിയ നോവൽ ‘പ്രിയപ്പെട്ടൊരാൾ’ പ്രകാശനം ചെയ്​തു

റിയാദ്: പ്രവാസിയും കഥാകൃത്തുമായ റഫീഖ് പന്നിയങ്കരയുടെ പുതിയ പുസ്തകം പ്രിയപ്പെട്ടൊരാൾ (നോവൽ) സൗദിതല പ്രകാശനം റിയാദിലെ ചില്ല സർഗവേദിയുടെ പ്രതിമാസ വായനചർച്ചാവേദിയിൽ നടന്നു. പുസ്തകം വി.കെ. ഷഹീബക്ക്​ നൽകി എഴുത്തുകാരി സബീന എം. സാലി പ്രകാശനം ചെയ്തു.

നാസർ കാരക്കുന്ന്, ജോണി പനംകുളം, എം. ഫൈസൽ, സി.എം. സുരേഷ്​ ​ലാൽ, ജോമോൻ സ്​റ്റീഫൻ, വിപിൻ കുമാർ, സരസൻ ബദിഅ, റസൂൽ സലാം, നജിം കൊച്ചുകലുങ്ക്, അനിത്ര ജ്യോമി എന്നിവർ പങ്കെടുത്തു. കോഴിക്കോട് ഹരിതം ബുക്‌സാണ് പുസ്തകത്തി​െൻറ പ്രസാധകർ. റഫീഖി​െൻറ ആദ്യ നോവലാണിത്.

മൂന്ന് കഥാസമാഹാരങ്ങളും ഒരു കവിതാസമാഹാരവും മുമ്പ് പുറത്തിറങ്ങിയിട്ടുണ്ട്. റിയാദിലെ പൊതുരംഗത്ത് ഒട്ടേറെ കാലം സജീവമായിരുന്നു. കോവിഡുകാലത്ത് നാട്ടിലെത്തി തിരിച്ചുവരാൻ കഴിയാതെ പ്രവാസത്തിന്​ താൽക്കാലിക വിരാമമിട്ട റഫീഖ് ഈയിടെയാണ് റിയാദിൽ തിരിച്ചെത്തിയത്. റിയാദ്​ റൗദ ഇഷ്‌ബിലിയയിൽ പ്രവർത്തിക്കുന്ന ഇസ്മ മെഡിക്കൽ സെൻററിലെ ജീവനക്കാരനാണ്. തകഴി സ്മാരക കഥാപുരസ്കാരം ഉൾപ്പടെ ഒട്ടേറെ അംഗീകാരങ്ങൾ ലഭിച്ചിട്ടുണ്ട്.

റഫീഖ്​ പന്നിയങ്കരയുടെ പുതിയ നോവൽ ‘പ്രിയപ്പെട്ടൊരാൾ’ സൗദിതല പ്രകാശനം വി.കെ. ഷഹീബക്ക്​ നൽകി എഴുത്തുകാരി സബീന എം. സാലി നിർവഹിക്കുന്നു