മലയാളമിത്രം ഗൾഫ് ഡസ്ക് 
മക്ക : മുതിർന്ന കോൺഗ്രസ് നേതാവും എൻഎസ് യു മുൻ ദേശീയ അധ്യക്ഷനും മുൻ ഏഐസിസി ജനറൽ സെക്രട്ടറിയും കർണാടക ഗവണ്മെന്റ് ചീഫ് വിപ്പുമായ സലീം അഹമ്മദിന് അഖിലേന്ത്യാ കോൺഗ്രസ് കമ്മിറ്റിയുടെ ഔദ്യോഗിക പ്രവാസി സംഘടനയായ ഇൻഡ്യൻ ഓവർസീസ് കോൺഗ്രസ് മക്കാ സെൻട്രൽ കമ്മിറ്റി ഊഷ്മള സ്വീകരണം നൽകി.
മക്കയിലെ കോൺഗ്രസ് പ്രവർത്തകരുടെ ജീവകാരുണ്യ പ്രവർത്തനങ്ങൾ വളരെ മാതൃകാപരവും ശ്ലാഖനീയവും ആണ് എന്ന് അദ്ദേഹം അഭിപ്രായപ്പെട്ടു.എന്നും കോൺഗ്രസ് പാർട്ടിക്കും അഖിലേന്ത്യാ നേതൃത്വത്തിനും ഒരു മുതൽക്കൂട്ട് ആകും എന്നും അദ്ദേഹം കൂട്ടിച്ചേർത്തു.മക്ക അസീസിയയിലെ പാനൂർ റെസ്റ്റോറന്റ് ഓഡിറ്റോറിയത്തിൽ നടന്ന സ്വീകരണ പരിപാടി ഐഒസി സൗദി നാഷണൽ കമ്മിറ്റി പ്രസിഡന്റ്‌ ജാവേദ് മിയാൻദാദ് ഉത്ഘാടനം ചെയ്തു.
ഐഒസി മക്കാ സെൻട്രൽ കമ്മിറ്റി പ്രസിഡന്റ്‌ ശ്രീ ഷാജി ചുനക്കര അധ്യക്ഷത വഹിച്ചു. ജനറൽ സെക്രട്ടറി നൗഷാദ് തൊടുപുഴ സ്വാഗതം ആശംസിച്ച യോഗത്തിൽ സീനിയർ ലീഡർ ഷാനിയാസ് കുന്നിക്കോട് മുഖ്യ പ്രഭാഷണം നടത്തി. സീനിയർ ലീഡർ സാക്കിർ കൊടുവള്ളി മുഖ്യാഥിതിയെ മൂവർണ്ണ ഷാൾ അണിയിച്ചു. ഐഒസി മക്കാ സെൻട്രൽ കമ്മിറ്റി ഭാരവാഹികളായ ഹാരിസ് മണ്ണാർക്കാട്, നിസാം കായംകുളം, മുഹമ്മദ്‌ ഷാ പോരുവഴി, ഷംനാസ് മീരാൻ മൈലൂർ, ഇഖ്‌ബാൽ ഗബ്ഗൽ, അബ്ദുൽ സലാം അടിവാട്, റഫീഖ് വരന്തരപ്പിള്ളി, നിസാ നിസാം, ഷംസ്‌ വടക്കഞ്ചേരി, ജെയ്‌സ് സാഹിബ്‌ ഓച്ചിറ, ഫിറോസ് എടക്കര, ഷാജഹാൻ കരുനാഗപ്പിള്ളി, ഷീമാ നൗഫൽ, റോഷ്‌ന നൗഷാദ്, സമീനാ സാക്കിർ ഹുസൈൻ, സർഫറാസ് തലശ്ശേരി ,മുഹമ്മദ്‌ അസ്‌ലം, മുഹമ്മദ്‌ സദ്ദാം ഹുസൈൻ തുടങ്ങിയവർ ആശംസകൾ അറിയിച്ചു.
സ്വീകരണത്തിന് മറുപടി പറഞ്ഞ ശ്രീ സലീം അഹമ്മദ്‌, ഐഒസി മക്കാ സെൻട്രൽ കമ്മിറ്റിയുടെ, പ്രവാസികൾക്കും ഹാജിമാർക്കുമായി ചെയ്തു വരുന്ന ജീവകാരുണ്യപ്രവർത്തനങ്ങളേയും സന്നദ്ധ സേവന രംഗത്തെ പ്രവർത്തനങ്ങളേയും പ്രശംസിച്ചതോടൊപ്പം പ്രവാസികളുമായി ബന്ധപ്പെട്ട വിഷയങ്ങളിൽ ഇടപെട്ട് പ്രശ്ന പരിഹാരങ്ങൾക്കും മറ്റും പൂർണ്ണ പിന്തുണയും സഹായങ്ങളും വാഗ്ദാനം നൽകുകയും ചെയ്തു. സ്വീകരണ പരിപാടിയ്ക്ക് സെൻട്രൽ കമ്മിറ്റി ഭാരവാഹികളായ നൗഷാദ് കണ്ണൂർ, ഷറഫുദ്ദീൻ പൂഴിക്കു ന്നത്ത്, ഷാഫി കുഴിമ്പാടൻ ഫറോക്ക്, നഹാസ് കുന്നിക്കോട്, ഷബാന ഷാനിയാസ്, ബദരിയ്യ ഈസ, ജെസീന അൻവർ, ജെസ്സി ഫിറോസ്, മിസിരിയ്യ റഫീഖ്, ഷീബ സെയ്ദ് , റുഖിയ്യ ഇക്ബാൽ തുടങ്ങിയവർ നേതൃത്വം നൽകി. സെൻട്രൽ കമ്മിറ്റി ട്രഷറർ ഇബ്രാഹിം കണ്ണങ്കാർ യോഗത്തിന് നന്ദിയും പറഞ്ഞു.
