ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: 2034 ഫിഫ ലോകകപ്പിന് ആതിഥ്യമരുളാന് അവകാശവാദം ഉന്നയിച്ച ഏകരാജ്യമായ സൗദി അറേബ്യ, അഞ്ച് നഗരങ്ങളിലായിരിക്കുന്നത് 15 അത്യാധുനിക സ്റ്റേഡിയങ്ങള്. തലസ്ഥാന നഗരമായ റിയാദിലെ എട്ട് സ്റ്റേഡിയങ്ങള് ഉള്പ്പെടെയാണിത്. 48 ടീമുകള് പങ്കെടുക്കുന്ന ടൂര്ണമെന്റിന് ആതിഥേയത്വം വഹിക്കുന്നതിനുള്ള ഒരുക്കങ്ങള് പുരോഗമിച്ചു വരികയാണെന്ന് ഔദ്യോഗിക വൃത്തങ്ങളെ ഉദ്ധരിച്ച് സൗദി മാധ്യമങ്ങള് റിപ്പോര്ട്ട് ചെയ്തു.
ഫിഫ ടൂര്ണമെന്റിന്റെ എക്കാലത്തെയും വലിയ പതിപ്പിനായിരിക്കും സൗദി ആതിഥ്യമരുളുകയെന്നും അധികൃതര് അറിയിച്ചു. തലസ്ഥാനമായ റിയാദിനു പുറമെ, ചെങ്കടല് നഗരമായ ജിദ്ദ, അല് ഖോബാര്, അബ്ഹ, 500 ബില്യണ് ഡോളറില് പുതുതായി നിര്മിക്കുന്ന ഫ്യൂച്ചറിസ്റ്റിക് നഗരമായ നിയോം എന്നിവയുള്പ്പെടെയുള്ള നഗരങ്ങളിലാണ് മത്സരങ്ങള് നടക്കുക. മത്സരങ്ങള് നടക്കുന്ന 15 സ്റ്റേഡിയങ്ങളില് പതിനൊന്നെണ്ണം പുതിയവയാണെന്ന് സൗദി ന്യൂസ് ഏജന്സി അറിയിച്ചു. 92,000-ത്തിലധികം കാണികളെ ഉള്ക്കൊള്ളുന്ന പുതിയ കിംഗ് സല്മാന് സ്റ്റേഡിയം ഉള്പ്പെടെ എട്ട് സ്റ്റേഡിയങ്ങളാണ് റിയാദിലുള്ളത്. ടൂര്ണമെന്റിന്റെ ഉദ്ഘാടന, സമാപന മത്സരങ്ങള്ക്ക് ഈ സ്റ്റേഡിയമാണ് ആതിഥേയത്വം വഹിക്കുക.
കഴിഞ്ഞ ഒക്ടോബറില് 2034 ലോകകപ്പിന്റെ ആതിഥേയരായി സൗദി അറേബ്യയെ ഫിഫ തിരഞ്ഞെടുത്തിരുന്നു. ജിദ്ദയിലെ കിംഗ് അബ്ദുല്ല സ്പോര്ട്സ് സിറ്റി സ്റ്റേഡിയവും റിയാദിലെ ബഹുമാനപ്പെട്ട കിംഗ് ഫഹദ് ഇന്റര്നാഷണല് സ്റ്റേഡിയവും ലോകക പ്പിനായി വലിയ മാറ്റത്തിനാണ് വിധേയമായിക്കൊണ്ടിരിക്കുന്നത്. ലോകകപ്പിന് മുന്നോടിയായി വലിയ അന്താരാഷ്ട്ര സ്പോര്ട്സ് ഇവന്റുകള് സംഘടിപ്പിച്ച് തങ്ങളുടെ കരുത്ത് തെളിയിക്കാനുള്ള ഒരുക്കത്തിലാണ് സൗദി അറേബ്യ. ലോകകപ്പ് തുടങ്ങുമ്പോഴേക്കും 2027 ലെ ഏഷ്യന് കപ്പിനും 2029 ലെ ഏഷ്യന് വിന്റര് ഗെയിംസിനും ഈ എണ്ണ സമ്പന്ന രാജ്യം ആതിഥേയത്വം വഹിക്കും. ലോകകപ്പ് നടക്കുന്ന 2034-ല്, ഏഷ്യന് ഗെയിംസിന് വോദിയാവുന്നതും തലസ്ഥന നഗരമായ റിയാദാണ്.
ഖത്തറില് നടന്ന കഴിഞ്ഞ ഫുട്ബോള് ലോകകപ്പിനേക്കാള് കെങ്കേമമായി ലോകകപ്പ് ടൂര്ണമെന്റ് സംഘടിപ്പിക്കാനുള്ള ഒരുക്കത്തിലാണ് സൗദി. ചരിത്രത്തിലെ ഏറ്റവും മികച്ച ലോകകപ്പായി ഖത്തര് ലോകകപ്പിനെ ഫിഫ അധികൃതര് വിശേഷിപ്പിച്ചിരുന്നു എണ്ണയിതര സാമ്പത്തിക മേഖലകളില് ശ്രദ്ധകേന്ദ്രീകരിക്കുന്നതിനു കൂടിയാണ് സൗദി അറേബ്യ 2034ലെ ഫിഫ ലോകകപ്പിന് ആതിഥ്യം അരുളുന്നത്. പുതിയ പ്രഖ്യാപനങ്ങൾ എന്തെല്ലാമായിരിക്കും എന്നത് സംബന്ധിച്ച് വരും ദിവങ്ങളിൽ അറിയിപ്പ് എത്തും.
