ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: സൗദി അറേബ്യയിലെ വിവിധ മേഖലകൾ ലക്ഷ്യമിട്ടെത്തിയ മിസൈലുകളും ഡ്രോണുകളും സൗദി പ്രതിരോധ സേന വിജയകരമായി തകർത്തു. റിയാദിന് തെക്കുകിഴക്കായി 80 കിലോമീറ്റർ അകലെയുള്ള അൽ-ഖർജ് മേഖലയിലെ പ്രിൻസ് സുൽത്താൻ എയർ ബേസ് ലക്ഷ്യമിട്ട് തൊടുത്തുവിട്ട മൂന്ന് ബാലിസ്റ്റിക് മിസൈലുകളാണ് പ്രതിരോധ സംവിധാനം തടയുകയും ആകാശത്തുവെച്ച് തന്നെ നശിപ്പിക്കുകയും ചെയ്തത്.
വെള്ളിയാഴ്ചയായിരുന്നു സംഭവം എന്ന് സൗദി പ്രതിരോധ മന്ത്രാലയ ഔദ്യോഗിക വക്താവ് തുർക്കി അൽ-മൽക്കി അറിയിച്ചു.ബാലിസ്റ്റിക് മിസൈലുകൾ: അൽ-ഖർജ് മേഖല ലക്ഷ്യമിട്ടെത്തിയ 3 മിസൈലുകളും തകർത്തു.കിഴക്കൻ പ്രവിശ്യയിൽ ഒന്നും അൽ-ഖർജ് മേഖലയിൽ മറ്റൊന്നും ഉൾപ്പെടെ രണ്ട് ഡ്രോണുകൾ വെടിവെച്ചിട്ടു. അൽ-ഖർജിന് കിഴക്ക് ഭാഗത്ത് വെച്ച് ഒരു ക്രൂയിസ് മിസൈലും പ്രതിരോധ സേന നശിപ്പിച്ചു.
രാജ്യത്തിന്റെ സുരക്ഷയ്ക്കും സമാധാനത്തിനും ഭീഷണിയാകുന്ന ഇത്തരം നീക്കങ്ങളെ ശക്തമായി നേരിടുമെന്ന് പ്രതിരോധ മന്ത്രാലയം വ്യക്തമാക്കി. ജനവാസ മേഖലകളിലോ സൈനിക കേന്ദ്രങ്ങളിലോ നാശനഷ്ടങ്ങൾ റിപ്പോർട്ട് ചെയ്തിട്ടില്ല.
