സൗ​ദി-​ഇ​ന്ത്യ വ്യാ​പാ​ര നി​ര​ക്ക്​ 53 ശ​ത​കോ​ടി ഡോ​ള​റാ​യി ഉ​യ​ർ​ന്നു; ആ​ഗോ​ള സ​മ്പ​ദ്​ വ്യ​വ​സ്ഥ​യു​ടെ വ​ള​ർ​ച്ച​ക്ക്​ ജി20 ​ആ​ശ്ര​യി​ക്കു​ന്ന മു​ഖ്യ​പ​ങ്കാ​ളി സൗ​ദി

ജി​ദ്ദ: ആ​ഗോ​ള സ​മ്പ​ദ്‌ വ്യ​വ​സ്ഥ​യു​ടെ വ​ള​ർ​ച്ച​ക്ക്​ വേ​ണ്ടി പ്ര​വ​ർ​ത്തി​ക്കു​ന്ന​ അ​ന്താ​രാ​ഷ്​​ട്ര ശൃം​ഖ​ല​യി​ലെ സു​പ്ര​ധാ​ന ക​ണ്ണി​യാ​യി ജി20 ​ആ​ശ്ര​യി​ക്കു​ന്ന സു​പ്ര​ധാ​ന​ പ​ങ്കാ​ളി​യാ​ണ്​ സൗ​ദി അ​റേ​ബ്യ​യെ​ന്ന്​ ഇ​ന്ത്യ​യി​ലെ സൗ​ദി അം​ബാ​സ​ഡ​ർ സാ​ലി​ഹ് ഈ​ദ് അ​ൽ ഹു​സൈ​നി. ന്യൂ​ഡ​ൽ​ഹി​യി​ൽ ജി20 ​ഉ​ച്ച​കോ​ടി​യു​ടെ ഭാ​ഗ​മാ​യ യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

സൗ​ദി അ​റേ​ബ്യ​യും ഇ​ന്ത്യ​യും ത​മ്മി​ലു​ള്ള​ത്​ ശ​ക്ത​വും ആ​ഴ​മേ​റി​യ​തും വി​ക​സി​ത​വും ച​രി​ത്ര​പ​ര​വു​മാ​യ ബ​ന്ധ​മാ​ണ്. 2019 മു​ത​ൽ സൗ​ദി കി​രീ​ടാ​വ​കാ​ശി​യും ഇ​ന്ത്യ​ൻ പ്ര​ധാ​ന​മ​ന്ത്രി​യും സ്ട്രാ​റ്റ​ജി​ക് പാ​ർ​ട്ണ​ർ​ഷി​പ് കൗ​ൺ​സി​ൽ സ്ഥാ​പി​ച്ച​തോ​ടെ ഈ ​ബ​ന്ധ​ത്തി​ന്റെ നി​ല​വാ​രം ഉ​യ​ർ​ന്നു. ജി20 ​ൽ പ​ങ്കെ​ടു​ക്കു​ന്ന പ്ര​ധാ​ന ആ​ഗോ​ള സ​മ്പ​ദ്‌ വ്യ​വ​സ്ഥ​ക​ളി​ൽ സൗ​ദി​യും ഇ​ന്ത്യ​യും ഉ​ൾ​പ്പെ​ടു​ന്നു.

മു​ൻ‌​നി​ര സാ​മ്പ​ത്തി​ക പ​ങ്ക് കാ​ര​ണം ഇ​രു രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം അ​വ​രു​ടെ മേ​ഖ​ല​ക​ളി​ലും ലോ​ക​ത്തും വ​ലി​യ പ്രാ​ധാ​ന്യം നേ​ടും. ര​ണ്ട്​ രാ​ജ്യ​ങ്ങ​ളും പ്ര​ധാ​ന വി​ക​സ​ന കാ​ഴ്​​ച​പ്പാ​ടു​ക​ൾ അ​വ​ത​രി​പ്പി​ച്ച്​ ന​ട​പ്പാ​ക്കു​ന്ന​തി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന​തി​നാ​ൽ ഇ​രു രാ​ജ്യ​ങ്ങ​ളു​ടെ​യും സ​മ്പ​ദ്‌ വ്യ​വ​സ്ഥ​ക​ൾ ത​മ്മി​ലു​ള്ള പ​ര​സ്പ​ര പൂ​ര​ണ​ത്തി​​ന്‍റെ വ​ശ​ങ്ങ​ൾ കാ​ണാം.

ഇ​ത് വ്യാ​പാ​രം, നി​ക്ഷേ​പം, സാ​ങ്കേ​തി​ക കൈ​മാ​റ്റം എ​ന്നി​വ​ക്ക്​ കൂ​ടു​ത​ൽ അ​വ​സ​ര​ങ്ങ​ൾ ന​ൽ​കു​ന്നു. ഊ​ർ​ജ​വും ഭ​ക്ഷ്യ​സു​ര​ക്ഷ​യും കൈ​വ​രി​ക്കു​ന്ന​തി​ൽ ആ​ഗോ​ള സ​മ്പ​ദ്‌ വ്യ​വ​സ്ഥ​യി​ൽ ഇ​രു​രാ​ജ്യ​ങ്ങ​ളു​ടെ​യും പ​ങ്ക് വ​ലു​താ​ണ്. ഇ​ന്ത്യ​യു​ടെ നാ​ലാ​മ​ത്തെ വ്യാ​പാ​ര പ​ങ്കാ​ളി​യാ​ണ് സൗ​ദി അ​റേ​ബ്യ. സൗ​ദി അ​റേ​ബ്യ​യു​ടെ ര​ണ്ടാ​മ​ത്തെ വ്യാ​പാ​ര പ​ങ്കാ​ളി​യാ​ണ് ഇ​ന്ത്യ. 2021ൽ ​ഇ​രു​രാ​ജ്യ​ങ്ങ​ളു​ടെ വ്യാ​പാ​ര വി​നി​മ​യ​നി​ര​ക്ക്​ 35 ശ​ത​കോ​ടി ഡോ​ള​ർ ആ​യി​രു​ന്നു.

എ​ന്നാ​ൽ അ​ടു​ത്തി​ടെ 50 ശ​ത​മാ​നം ഉ​യ​ർ​ന്ന് 53 ശ​ത​കോ​ടി ഡോ​ള​റാ​യി ഉ​യ​ർ​ന്നെ​ന്നും അം​ബാ​സ​ഡ​ർ പ​റ​ഞ്ഞു. പ്ര​ധാ​ന ആ​ഗോ​ള സ​മ്പ​ദ്‌​വ്യ​വ​സ്ഥ​ക​ൾ​ക്കി​ട​യി​ലെ ത​രം​തി​രി​ക്ക​ലും ജി20 ​ലെ അം​ഗ​ത്വ​വും കൊ​ണ്ട് സൗ​ദി അ​റേ​ബ്യ​യു​ടെ പ​ങ്ക് പ്രാ​ദേ​ശി​ക പ​രി​ധി​ക്ക​പ്പു​റം ആ​ഗോ​ള മ​ണ്ഡ​ല​ത്തി​ലേ​ക്ക് ഉ​യ​ർ​ന്നി​രി​ക്കു​ന്നു. ഇ​ത് സൗ​ദി ന​യ​ങ്ങ​ളു​ടെ സു​ദൃ​ഢ​ത​യു​ടെ​യും ലോ​ക​ത്തി​ന്റെ ആ​ത്മ​വി​ശ്വാ​സ​ത്തി​​ന്റെ​യും ഫ​ല​മാ​ണ്.

ആ​ഗോ​ള​ത​ല​ത്തി​ൽ ഇ​ത്​ രാ​ജ്യ​ത്തി​​ന്റെ വി​ശ്വ​സ​നീ​യ​മാ​യ ന​യ​രേ​ഖ​യെ പ്ര​തി​ഫ​ലി​പ്പി​ക്കു​ന്നു. മ​റു​വ​ശ​ത്ത് ആ​ഗോ​ള​വേ​ദി​യി​ൽ വ​ള​ർ​ച്ച​യു​ടെ​യും വി​ക​സ​ന​ത്തി​​ന്റെ​യും കു​തി​പ്പി​ന്റെ വ​ലി​യ റോ​ളി​നാ​യി കാ​ത്തി​രി​ക്കു​ന്നു.

രാ​ജ്യ​ത്തി​​ന്റെ സ​മ്പ​ദ്‌ വ്യ​വ​സ്ഥ​യെ മു​ന്നോ​ട്ട് കൊ​ണ്ടു​പോ​കാ​നും വൈ​വി​ധ്യ​വ​ത്ക​രി​ക്കാ​നും അ​തി​​ന്റെ പൗ​ര​ന്മാ​രു​ടെ ക്ഷേ​മം കൈ​വ​രി​ക്കാ​നു​മാ​ണ്​ ‘വി​ഷ​ൻ 2030’ ല​ക്ഷ്യ​മി​ടു​ന്ന​ത്. അ​തോ​ടൊ​പ്പം സൗ​ദി​യു​ടെ സ​മ്പ​ദ്‌​വ്യ​വ​സ്ഥ​യെ പ്രാ​ദേ​ശി​ക​മാ​യും ആ​ഗോ​ള​മാ​യും സ​മ​ന്വ​യി​പ്പി​ക്കാ​ൻ ശ്ര​മി​ക്കു​ന്ന സം​രം​ഭ​ങ്ങ​ളും വി​ഷ​നി​ലു​ണ്ടെ​ന്നും സൗ​ദി അം​ബാ​സ​ഡ​ർ പ​റ​ഞ്ഞു.