മലയാളമിത്രം നാഷണല് ഡസ്ക് 
റിയാദ്: സൗദി വ്യവസായ, ധാതുവിഭവ മന്ത്രി ബന്ദർ അൽഖുറൈഫ് ഇന്ത്യ സന്ദർശിച്ചു. രാസവളം മന്ത്രി ജഗത് പ്രകാശ് നദ്ദ, ഇരുമ്പുരുക്ക്-ഘനവ്യവസായ മന്ത്രി എച്ച്‌.ഡി. കുമാരസ്വാമി, വാണിജ്യ വ്യവസായ മന്ത്രി പിയൂഷ് ഗോയൽ എന്നിവരുമായിട്ടായിരുന്നു കൂടിക്കാഴ്ച.
പെട്രോകെമിക്കൽസ്, രാസവളങ്ങൾ, ഫാർമസ്യൂട്ടിക്കൽസ്, മെഡിക്കൽ ഉപകരണങ്ങൾ, ഹെവി മെഷിനറി, കാറുകൾ, സ്പെയർ പാർട്സ് തുടങ്ങിയ മേഖലകളിൽ സഹകരണം വർധിപ്പിക്കുന്നതിനുള്ള മാർഗങ്ങളെക്കുറിച്ചാണ് ഇന്ത്യൻ മന്ത്രിമാരുമായി ചർച്ച നടത്തിയത്.
കൂടാതെ ഫാർമസ്യൂട്ടിക്കൽ, മെഡിക്കൽ ഉപകരണ വ്യവസായങ്ങളിലെ പങ്കാളിത്തം ശക്തിപ്പെടുത്തുന്നതിനുള്ള അവസരങ്ങൾ ചർച്ച ചെയ്തു. പെട്രോകെമിക്കൽസ്, രാസവളം മേഖലകളിൽ സംയുക്ത സഹകരണം ആഴത്തിലാക്കേണ്ടതിന്റെ പ്രാധാന്യം ഊന്നിപ്പറഞ്ഞു. ഇരുരാജ്യങ്ങളും വ്യവസായിക ഏകീകരണം വർധിപ്പിക്കുന്നതിനുള്ള വഴികൾ ചർച്ച ചെയ്തു. വ്യവസായത്തിനുള്ള ദേശീയ തന്ത്രവും ഇരുമ്പുരുക്ക് മേഖലയുടെ പ്രാധാന്യവും കൂടിക്കാഴ്ചകളിൽ ചർച്ചയായി.
