ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ് :സൗദി അറേബ്യയുടെ ടൂറിസം മേഖലയ്ക്ക് പുത്തൻ ഉണർവ് നൽകിക്കൊണ്ട് 2025ന്റെ ആദ്യ പാദത്തിൽ അന്താരാഷ്ട്ര സന്ദർശകർ ഏകദേശം 13.6 ബില്യൺ ഡോളർ രാജ്യത്ത് ചെലവഴിച്ചു. ഇത് രാജ്യത്തിന്റെ സാമ്പത്തിക വളർച്ചയിലും വിഷൻ 2030 ലക്ഷ്യങ്ങളിലും ടൂറിസത്തിന്റെ വർധിച്ചു വരുന്ന പ്രാധാന്യത്തെ എടുത്തുകാണിക്കുന്നു.
അന്താരാഷ്ട്ര സന്ദർശകരിൽ നിന്നുള്ള വരുമാനം 49.4 ബില്യൺ റിയാലായി (ഏകദേശം 13.17 ബില്യൺ ഡോളർ) ഉയർന്നു. ഇത് മുൻവർഷത്തെ കാലയളവിനെ അപേക്ഷിച്ച് 9.7% വർധനവാണ് ഇത്തവണ രേഖപ്പെടുത്തിയത്. കൂടാതെ ഈ കുതിപ്പ് രാജ്യത്തിന്റെ സാമ്പത്തിക ഭദ്രത വർധിപ്പിക്കുകയും 26.8 ബില്യൺ റിയാൽ യാത്രാ മിച്ചം കൈവരിക്കാൻ സഹായിക്കുകയും ചെയ്തു.
സൗദി അറേബ്യ നടപ്പിലാക്കിയ തന്ത്രപരമായ പരിഷ്കാരങ്ങൾ, ആധുനികവൽക്കരിച്ച അടിസ്ഥാന സൗകര്യങ്ങൾ, സന്ദർശകർക്കായി മെച്ചപ്പെടുത്തിയ സേവനങ്ങൾ എന്നിവയാണ് ഈ മികച്ച പ്രകടന ത്തിന് പിന്നിൽ. കൂടാതെ ആഗോള ടൂറിസം ഭൂപടത്തിൽ പ്രധാന സ്ഥാനമുറപ്പിക്കാനുള്ള സൗദിയുടെ വിഷന്റെ ഭാഗമാണിത്.
എണ്ണയെ ആശ്രയിക്കുന്ന സമ്പദ്വ്യവസ്ഥയിൽ നിന്ന് മാറി വിവിധ മേഖലകളിൽ നിന്ന് വരുമാനം കണ്ടെത്താനുള്ള സൗദിയുടെ ശ്രമങ്ങൾക്ക് ടൂറിസം മേഖല കരുത്ത് പകരുകയാണ്. കൂടാതെ രാജ്യത്തിന്റെ ടൂറിസം അടിസ്ഥാന സൗകര്യങ്ങൾ ശക്തിപ്പെടുത്തുന്നതിനുള്ള നിരന്തരമായ ശ്രമങ്ങൾ, സന്ദർശകരെ ആകർഷിക്കുന്നതിനായുള്ള പരിപാടികൾ, സന്ദർശകരെ ആകർഷിക്കുന്നതിനായുള്ള പരിപാടികൾ,
രാജ്യത്തുടനീളം നൽകുന്ന സേവനങ്ങളുടെയും വിനോദാനുഭവങ്ങളുടെയും ഗുണനിലവാരം, ടൂറിസം വികസനത്തിൽ ആഗോളതലത്തിൽ അംഗീകരിക്കപ്പെട്ട മികച്ച രീതികൾ, ടൂറിസം സേവനങ്ങളിലെ നിരന്തരമായ പുരോഗതി, സർക്കാർ, സ്വകാര്യ മേഖലകളിലെ സ്ഥാപനങ്ങളുമായി സഹകരണം ശക്തിപ്പെടുത്തൽ തുടങ്ങിയവയാണ് ഈ കുതിപ്പിന് കാരണം എന്നാണ് വിദഗ്ധരുടെ അഭിപ്രായം.
അതേസമയം സൗദി അറേബ്യയുടെ ടൂറിസം മുന്നേറ്റത്തിന് പിന്നിൽ നിരവധി വലിയ പദ്ധതികളും നിക്ഷേപങ്ങളുമുണ്ട്. അതിവേഗ വികസന പദ്ധതിയാണ് സൗദി അറേബ്യയിൽ നിർമ്മാണത്തിലിരി ക്കുന്ന നെഓം നഗരം. ഏകദേശം 500 ബില്യൺ ഡോളർ ചെലവഴിച്ച് നിർമ്മിക്കുന്ന ഈ നഗര പദ്ധതിയിൽ പ്രകൃതിയോട് ചേർന്നുള്ള ജീവിതം, സുസ്ഥിരത, സാങ്കേതിക നവീകരണം എന്നിവയ്ക്ക് മുൻഗണന നൽകുന്നു. കൂടാതെ ചെങ്കടൽ തീരത്ത് ആഢംബര റിസോർട്ടുകളും പ്രകൃതി സൗന്ദര്യവും സമന്വ യിപ്പിച്ചുകൊണ്ടുള്ള മെഗാ ടൂറിസം പദ്ധതി. റിയാദിന് സമീപം വിനോദത്തിനും കായിക വിനോദ ങ്ങൾക്കുമായി ഒരുങ്ങുന്ന തീം പാർക്കുകൾ, സ്പോർട്സ് സൗകര്യങ്ങൾ എന്നിവയും പ്രധാന ആകർഷണമായി മാറും.
കൂടാതെ സന്ദർശകരെ ആകർഷിക്കുന്നതിനായി സൗദി അറേബ്യ വിസ നയങ്ങളിൽ വലിയ ഇളവുകൾ വരുത്തിയിട്ടുണ്ട്. ടൂറിസ്റ്റ് വിസകൾ കൂടുതൽ എളുപ്പത്തിൽ ലഭ്യമാക്കിയത് അന്താരാഷ്ട്ര സന്ദർശകരുടെ എണ്ണം വർദ്ധിപ്പിക്കാൻ ഏറെ സഹായകമായി. വിവിധ രാജ്യങ്ങളിൽ നിന്നുള്ളവർക്ക് ഓൺ അറൈവൽ വിസയും ഇ വിസ സൗകര്യങ്ങളും ലഭ്യമാക്കിയിട്ടുണ്ട്.
പുതിയ വിമാനത്താവളങ്ങളുടെ നിർമ്മാണവും നിലവിലുള്ളവയുടെ വികസനവും സൗദി എയർലൈൻസ് ഉൾപ്പെടെയുള്ള വിമാനക്കമ്പനികളുടെ റൂട്ടുകളുടെ വിപുലീകരണവും ടൂറിസം വളർച്ചയെ സഹായിക്കുന്ന പ്രധാന ഘടകങ്ങളായി മാറുമെന്നാണ് പ്രതീക്ഷ. കൂടാതെ കൂടുതൽ എളുപ്പത്തിൽ സൗദിയിലേക്ക് എത്താൻ ഇത് സന്ദർശകരെ ആകർഷിക്കുകയും ചെയ്യുന്നു.
