ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: 2030 ഓടെ സൗദിയില് ടൂറിസം മേഖലയിലെ ആകെ തൊഴിലുകള് 16 ലക്ഷമായി ഉയര്ത്തുമെന്ന് ടൂറിസം മന്ത്രി അഹ്മദ് അല്ഖതീബ്. ഇതിനായി ടൂറിസം മേഖലയില് പത്തു ലക്ഷം തൊഴിലവസരങ്ങള് കൂടി സൃഷ്ടിക്കേണ്ടതുണ്ടെന്നും മാനവശേഷി, സാമൂഹിക വികസന മന്ത്രാലയം സംഘടിപ്പിക്കുന്ന ദ്വിദിന ഗ്ലോബല് ലേബര് മാര്ക്കറ്റ് കോണ്ഫറന്സില് സംസാരിക്കവെ അദ്ദേഹം പറഞ്ഞു.
2030ല് സൗദിയിലെ തലസ്ഥാന നഗരിയില് നടക്കുന്ന വേള്ഡ് എക്സ്പോയിലൂടെ രണ്ടര ലക്ഷം തൊഴിലവസരങ്ങള് ലഭ്യമാവുമെന്നും തൊഴില് വിപണിയിലെ അതിവേഗ പുരോഗതികള് എന്ന വിഷയത്തില് നടന്ന സെഷനില് ടൂറിസം മന്ത്രി വ്യക്തമാക്കി. 2019ല് സൗദി അറേബ്യ ദേശീയ ടൂറിസം തന്ത്രം പ്രഖ്യാപിച്ച കാര്യവും അദ്ദേഹം ചൂണ്ടിക്കാട്ടി. 2030 ഓടെ മൊത്തം ആഭ്യന്തരോല്പാദനത്തില് ടൂറിസം മേഖലയുടെ സംഭാവന മൂന്നു ശതമാനത്തില് നിന്ന് പത്തു ശതമാനയമായി ഉയര്ത്താന് ഇത് ലക്ഷ്യമിടുന്നു.
ലോകത്തെ ആകെ തൊഴില് വിപണിയുടെ പത്തു ശതമാനം ട്രാവല്, ടൂറിസം മേഖലയിലാണെന്ന് മന്ത്രി ചൂണ്ടിക്കാട്ടി. കൊറോണ മഹാമാരിക്കു മുമ്പ് ട്രാവല്, ടൂറിസം മേഖല ലോകത്ത് 33 കോടി തൊഴിലവസരങ്ങള് ലഭ്യമാക്കിയിരുന്നു. കോവിഡ് മഹാമാരി വിമാന കമ്പനികളെയും ഹോട്ടലുകളെയുമാണ് ഏറ്റവുമധികം ബാധിച്ചത്. ഈ മേഖലകളില് ആറു കോടി തൊഴിലവസരങ്ങള് നഷ്ടപ്പെട്ടുവെന്നും ടൂറിസം മന്ത്രി വിശദീകരിച്ചു.
2030 ഓടെ ലോകത്ത് നിര്മിതബുദ്ധി മേഖലയില് 13.3 കോടി തൊഴിലവസരങ്ങള് സൃഷ്ടിക്കപ്പെടുമെന്നാണ് കണക്കാക്കുന്നതെന്ന് മാനവശേഷി, സാമൂഹിക വികസന മന്ത്രി ഹ്മദ് അല്റാജ്ഹി പറഞ്ഞു. മന്ത്രിമാരും സര്ക്കാര് ഉദ്യോഗസ്ഥരും അന്താരാഷ്ട്ര സംഘടനാ മേധാവികളും ഉള്പ്പെടെ 40 രാജ്യങ്ങളില് നിന്നുള്ള 6,000 ലേറെ പേര് സമ്മേളനത്തില് പങ്കെടുക്കുന്നുണ്ട്.
