ജയൻ കൊടുങ്ങല്ലൂർ 
റിയാദ് : എസ് ഐ സി റിയാദ് സെൻട്രൽ കമ്മിറ്റിയുടെ ആഭിമുഖ്യത്തിൽ നടക്കുന്ന ചതുർമാസ സംഘടന ശാക്തീകാരണ ക്യാമ്പയിൻ ഒരുക്കം’23 ന്റെ ഭാഗമായി സെൻട്രൽ കമ്മിറ്റി സെക്രട്ടേറിയറ്റ് അംഗങ്ങൾക്കും ഏരിയ കമ്മിറ്റി പ്രധാന ഭാരവാഹികൾക്കും വേണ്ടി ‘ലീഡേഴ്‌സ് മീറ്റ്’ നടത്തി. ബത്ത സഫ മക്ക ഓഡിറ്റോറിയത്തിൽ വെച്ച് നടത്തിയ പരിപാടിയിൽ സെൻട്രൽ കമ്മിറ്റി പ്രസിഡന്റ്‌ ഉസ്താദ് ബഷീർ ഫൈസി ചുങ്കത്തറ അദ്ധ്യക്ഷത വഹിച്ചു.
എസ് ഐ സി റിയാദ് ദഅവ സെൽ ചെയർമാൻ ഉസ്താദ് ബഷീർ ഫൈസി ചെരക്കപ്പറമ്പ് പ്രാർത്ഥന നിർവഹിച്ചു. മലപ്പുറം മണ്ഡലം നിയമസഭാ സമാചികൻ ഉബൈദ് സാഹിബ്‌ എം എല്‍ എ ക്യാമ്പ് ഉദ്ഘാടനം നിർവഹിച്ചു. ബഹു. സമസ്ത കേരള ജംഇയ്യത്തുൽ ഉലമ എന്ന മഹിതമായ പ്രസ്ഥാനം നടത്തുന്ന വിദ്യാഭ്യാസ പ്രവർത്തനങ്ങൾ ശ്ലാഖനീയ മാണെന്നും മറ്റു സംഘടനകൾക്ക് മാതൃകയാണെന്നും അദ്ദേഹം ഉദ്ഘാടന പ്രഭാഷണത്തിൽ പറഞ്ഞു. ജനറൽ സെക്രട്ടറി ശുഐബ് വേങ്ങര ആമുഖ ഭാഷണം നടത്തി. ക്യാമ്പിന്റെ ആദ്യ സെഷനിൽ ‘സംഘടനാ പ്രവർത്തനത്തിന്റെ ആത്മീയ വശം’ എന്ന വിഷയത്തിൽ വൈസ് പ്രസിഡന്റ്‌ ‘സലീം വാഫി മുത്തേടം ക്ലാസ്സ്‌ നിയന്ത്രിച്ചു. എസ് ഐ സിയുടെ വിവിധ ഏരിയകളെ പ്രത്യേക സോണുകളിൽ ഉൾക്കൊള്ളിച്ചു കൊണ്ടുള്ള കാര്യങ്ങൾ വിശദീകരിച്ചു കൊണ്ടും രണ്ടാം സെഷനിലെ ‘സംഘടന, സംഘാടനം’ എന്ന വിഷയത്തെ അധികരിച്ചു ക്ലാസ്സ്‌ എടുത്തുകൊണ്ടും ഓർഗനൈസിങ് സെക്രട്ടറി ഷാഫി മാസ്റ്റർ തുവ്വൂർ സംസാരിച്ചു.
എസ് ഐ സി റിയാദ് സെൻട്രൽ കമ്മിറ്റി പുറത്തിറക്കുന്ന 2024 കലണ്ടർ പരിപാടിയിൽ പ്രകാശനം ചെയ്തു. ചെയർമാൻ സൈതലവി ഫൈസി പനങ്ങാങ്ങര, ട്രെഷറർ അബൂബക്കർ ഫൈസി വെള്ളില എന്നിവർ ആശംസകൾ നേർന്നു കൊണ്ട് സംസാരിച്ചു. വൈസ് ചെയർമാൻ ഉമർ ഫൈസി ചെരക്കപ്പറമ്പ്, നൗഷാദ്ലി ഹുദവി, ആബിദ് കൂമണ്ണ, അബ്ദുൽ ഗഫൂർ ചുങ്കത്തറ,ജുനൈദ് മാവൂർ, അസൈനാർ, നവാസ്,മുജീബ് റഹ്മാൻ തുടങ്ങിയവർ നിയന്ത്രിച്ചു. ജോയിന്റ് സെക്രട്ടറി ഷിഫ്നാസ് സ്വാഗതവും ഉന്നതാധികാര സമിതി അംഗം ആരിഫ് ബാഖവി നന്ദിയും പറഞ്ഞു.
