ബഹ്റൈനിൽ ആറു മാസത്തെ തൊഴിൽ വിസ പ്രഖ്യാപിച്ചു

മനാമ: ബഹ്റൈനിൽ ലേബർ മാർക്കറ്റ് റെഗുലേറ്ററി അതോറിറ്റി (എൽ.എം.ആർ.എ) ആറുമാസത്തെ തൊഴിൽ വിസ പ്രഖ്യാപിച്ചു. നിലവിലുള്ള ഒരു വർഷത്തെയും രണ്ടു വർഷത്തെയും വിസ പെർമിറ്റുകൾക്ക് പുറമേയാണ് പുതിയ ആറു മാസക്കാലയളവിലെ വിസ.

പുതിയ വിസക്ക് യോഗ്യരാവുക ബഹ്റൈനിൽ താമസിക്കുന്ന പ്രവാസികളും വാണിജ്യ മേഖലയിൽ ജോലിചെയ്യുന്നവരുമാണ്. വ്യവസായ പ്രവർത്തനങ്ങൾ സുഖമമാക്കാനും വിപണിയിലെ ആവശ്യങ്ങൾക്കും നിർദേശങ്ങൾക്കും അനുസൃതമായാണ് പുതിയ വിസ അനുവദിക്കാൻ എൽ.എം.ആർ.എ തീരുമാനിച്ചത് എന്നാണ് റിപ്പോർട്ടുകൾ.

അതേസമയം പുതിയ വിസ നിലവിൽ ബഹ്റൈനിലുള്ള പ്രവാസി തൊഴിലാളികൾക്ക് മാത്രമുള്ളതാണെന്നും വിദേശത്ത് നിന്നുള്ള റിക്രൂട്ട്മെന്‍റ് ഇതിൽ ഉൾപ്പെടില്ലെന്നും എൽ.എം.ആർ.എ അറിയിച്ചിട്ടുണ്ട്. കുറഞ്ഞ കാലയളവിലേക്ക് തൊഴിലാളികളെ നിയമിക്കുന്നതിലൂടെ അവരുടെ തൊഴിൽ ക്ഷമത ട്രയൽ അടിസ്ഥാനത്തിൽ പരീക്ഷി ക്കും. രാജ്യത്തെ നിലവിലുള്ള തൊഴിലാളികളെ പരമാവധി പ്രയോജന പ്പെടുത്തുക വഴി വാണിജ്യ മേഖലയിലേക്ക് പുതിയ പ്രവാസി തൊഴിലാളികളെ റിക്രൂട്ട് ചെയ്യുന്നത് കുറക്കാനുമാണ് പുതിയ വിസ പദ്ധതി ലക്ഷ്യമിടുന്നത്.