ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
മക്ക: സൗദി അറേബ്യയിലെ പുണ്യ നഗരിയായ മക്കയിലും പരിസര പ്രദേശങ്ങളിലും ശക്തമായ കാറ്റും ഇടിമിന്നലോടു കൂടി കനത്ത മഴയും തുടരുന്നു. ഇതേത്തുടര്ന്നുണ്ടായ മിന്നല് പ്രളയത്തില് ഒരു കാര് ഒഴുക്കില്പ്പെട്ട് ഒരു കുടുംബത്തിലെ നാല് കുട്ടികള് മരിച്ചു.
കിഴക്കന് മക്കയില് താമസ സ്ഥലത്ത് വെള്ളം കയറിയതിനെ തുടര്ന്ന് കുടുംബം സുരക്ഷിത സ്ഥലത്തേക്ക് മാറാന് കാറില് യാത്ര ചെയ്യവെയാണ് വാഹനം ശക്തമായ ഒഴിക്കില്പ്പെട്ട് റോഡില് നിന്ന് തെന്നിമാറുകയായിരുന്നു. ഒരു പ്രാദേശിക ഫാമിന്റെ മതിലിലേക്ക് വാഹനം ഇടിക്കുകയും അവിടെ കുടുങ്ങിപ്പോവുകയുമായിരുന്നു. വെള്ളത്തില് മുങ്ങിക്കിടന്ന കാറിലുണ്ടായിരുന്ന നാലു കുട്ടികളാണ് മരണപ്പെട്ടത്.
പ്രവാസി കുടുംബത്തിലെ മാതാപിതാക്കളും ആറ് കുട്ടികളുമായിരുന്നു കാറില് ഉണ്ടായിരുന്നത്. വിവരമറിഞ്ഞ് സിവില് ഡിഫന്സ് ഉദ്യോഗസ്ഥര് സംഭവസ്ഥലത്ത് എത്തുകയും രക്ഷിതാക്കളെയും അവരുടെ 13 ഉം രണ്ടും വയസ്സ് പ്രായമുള്ള രണ്ട് മക്കളെയും രക്ഷപ്പെടുത്തുകയുമായിരുന്നു. എന്നാല് ബാക്കി നാലു മക്കളെ രക്ഷപ്പെടുത്താനായില്ല. മൂന്ന് പെണ്കുട്ടികളും ഒരു ആണ്കുട്ടിയും പ്രളയത്തില് ഒഴുകിപ്പോവുകയായിരുന്നുവെന്ന് സിവില് ഡിഫന്സ് ഉദ്യോഗസ്ഥര് അറിയിച്ചു. ഇവരില് മൂന്ന് പെണ്കുട്ടികളുടെ മൃതദേഹങ്ങള് പിന്നീട് കണ്ടെടുത്തു. ആണ്കുട്ടിക്കു വേണ്ടിയുള്ള തിരച്ചില് തുടരുകയാണ്.
കഴിഞ്ഞ ഒരാഴ്ചയായി മക്കയില് ശക്തമായ മഴ തുടരുകയാണ്. സൗദി അറേബ്യയുടെ പല ഭാഗങ്ങളിലും സമാനമായ രീതിയില് അനിയന്ത്രിതമായ കാലാവസ്ഥയാണ് ഏതാനും ആഴ്ചകളായി തുടരുന്നത്. കഴിഞ്ഞയാഴ്ചയുണ്ടായ കനത്ത മഴയില് പത്തോളം പേര് ഒഴുക്കില്പ്പെട്ടും മറ്റുമായി മരണപ്പെട്ടിരുന്നു.
വരുന്ന ഞായറാഴ്ച വരെ രാജ്യത്തിന്റെ ചില പ്രദേശങ്ങളില് മഴയ്ക്ക് സാധ്യതയുണ്ടെന്ന് എന്സിഎം ഉദ്യോഗസ്ഥന് പറഞ്ഞു. അല് ജൗഫ്, ഹയില്, മക്ക, മദീന, അസീര്, ജസാന് മേഖലകളില് മഴ പെയ്യാന് സാധ്യതയുണ്ടെന്ന് സെന്റര് വക്താവ് ഹുസൈന് അല് ഖഹ്താനി സൗദി ടിവി അല് ഇഖ്ബാരിയയോട് പറഞ്ഞു.
