ജയൻ കൊടുങ്ങല്ലൂർ 
റിയാദ്: നാലു മാസം നീളുന്ന അഞ്ചാമത് റിയാദ് സീസൺ ആഘോഷങ്ങൾക്ക് ലോക ബോക്സിങ് താരങ്ങളുടെ ഇടിപ്പൂരത്തോടെ ശനിയാഴ്ച തുടക്കം കുറിക്കും. റിയാദ് ബോളിവാഡ് സിറ്റിയിലെ കിങ്ഡം അരീനയിൽ ‘ഫോർ ക്രൗൺ ഷോഡൗൺ’ എന്ന ടൈറ്റിലിൽ റഷ്യൻ ബോക്സിങ് ലൈറ്റ്-ഹെവിവെയ്റ്റ് താരങ്ങളായ ആർച്ചർ ബെറ്റർബിയേവും ദിമിത്രി ബിവോളും ഇടിവെട്ട് പോരാട്ടമായിരിക്കും കാഴ്ചവെക്കുക.
കേവലം പേരിന് വേണ്ടിയുള്ളതല്ല ഈ ഏറ്റുമുട്ടൽ. ആഗോളതലത്തിൽ ലൈറ്റ്-ഹെവിവെയ്റ്റ് വിഭാഗത്തിൽ ആധിപത്യം തെളിയിക്കാനുള്ള പോരാട്ടമാണിത്. ആർതർ ബെറ്റർബിയേവും ദിമിത്രി ബിവോളും നാല് ലൈറ്റ് ഹെവി ബെൽറ്റുകൾക്കും വേണ്ടിയാണ് ഈ പോരാടുന്നത്. അതുകൊണ്ടുതന്നെ ഈ മത്സരയുദ്ധം നിർണായകമാണ്. ത്രസിപ്പിക്കുന്ന കാഴ്ചാനുഭവവുമായിരിക്കും അത് കാഴ്ചക്കാർക്ക് നൽകുക. അജയ്യരായ ഈ പോരാളികൾ തമ്മിലുള്ള മത്സരം ഏറെ കൗതുകകരവുമായിരിക്കും.
സുവൈദി പാര്‍ക്കില്‍ പ്രവേശനം സൗജന്യം, ഓണ്‍ലൈന്‍ ടിക്കറ്റ് ലഭിക്കാന്‍ ലോഗിന്‍ http://www.webook.com
ആവേശകരമായ വിനോദം, വലിയ ഇവൻറുകൾ, പുതിയ സോണുകൾ എന്നിവയാണ് ഇത്തവണത്തെ റിയാദ് സീസൺ വാഗ്ദാനം ചെയ്യുന്നത്. ബൊളിവാഡ് സിറ്റി, കിങ്ഡം അരീന, റിയാദ് വയ എന്നിവയടക്കം 14 സോണുകളിലാണ് പരിപാടികൾ അരങ്ങേറുന്നത്. സൗദി അറേബ്യയിൽ ആതിഥേയത്വം വഹിക്കുന്ന വാർഷിക ഉത്സവമാണ് റിയാദ് സീസൺ. ഒക്ടോബറിൽ ആരംഭിക്കുകയും തുടർന്ന് ശീതകാലം മുഴുവൻ നീളുകയും ചെയ്യും. 2019 ലാണ് ഇതിന് തുടക്കം കുറിക്കുന്നത്.ഇത് അഞ്ചാം പതിപ്പാണ്. ഉദ്ഘാടന പതിപ്പിൽ 70 ലക്ഷം സന്ദർശകരുടെ ശ്രദ്ധേയ പങ്കാളിത്തമാണുണ്ടായത്.
സാംസ്കാരിക ഘോഷയാത്രകൾ, രാജസ്ഥാനി നൃത്തം, പഞ്ചാബി നൃത്തം, തെലുങ്ക്, തമിഴ് കലാരൂപങ്ങൾ, വിവിധ കലാപരിപാടികൾ, വാദ്യമേള സംഘം, റിയാദ് മേളം ടീമിന്‍റെ ചെണ്ടമേളം, റിയാദ് ബീറ്റ്സിന്റെ നാസിക് ഡോൾ എന്നിവയൊക്കെ ഇന്ത്യൻ പരിപാടികൾക്ക് നിറം ചാർത്തും.
ഇത്തവണ 14 വേദികളിലായി അരങ്ങേറുന്ന വൈവിധ്യമാർന്ന ഒട്ടനവധി പരിപാടി കളാണ് ഇത്തവണയും ആസ്വാദകർക്കായി ഒരുക്കിയിരിക്കുന്നത്. പ്രധാന വേദികളി ലൊന്നായ റിയാദിലെ സുവൈദി പാർക്കിലാണ് ഇന്ത്യയടക്കമുളള പല രാജ്യങ്ങളുടെ സാംസ്കാരിക പൈതൃകവും കല വിരുന്നുകളുമൊക്കെ പ്രകടിപ്പിക്കുന്നത്.
ഒക്ടോബര്‍ 13 മുതൽ സുവൈദി പാർക്കിലെ വേദി സജീവമാകും. 13 മുതൽ 21 വരെയുള്ള ആദ്യ 9 ദിവസം ഇന്ത്യൻ പരിപാടികൾക്കാണ് സുവൈദി പാർക്ക് സാക്ഷ്യം വഹിക്കുക. സാംസ്കാരിക ഘോഷയാത്രകൾ, രാജസ്ഥാനി നൃത്തം, പഞ്ചാബി നൃത്തം, തെലുങ്ക്, തമിഴ് കലാരൂപങ്ങൾ, വിവിധ കലാപരിപാടികൾ, വാദ്യമേള സംഘം, റിയാദ് മേളം ടീമിന്‍റെ ചെണ്ടമേളം, റിയാദ് ബീറ്റ്സിന്റെ നാസിക് ഡോൾ എന്നിവയൊക്കെ ഇന്ത്യൻ പരിപാടികൾക്ക് നിറം ചാർത്തും.
കഴിഞ്ഞ വർഷം സൗദിയുടെ ചരിത്രത്തിൽ ആദ്യമായി കഥകളി അവതരിപ്പിച്ചു. കേരളത്തിൽ നിന്നും ഇന്ത്യൻ എംബസിയുടെ ക്ഷണപ്രകാരം എത്തിച്ചേർന്ന കഥകളി കലാകാരൻമാരാണ് റിയാദ് സീസണിൽ കഥകളി അവതരിപ്പിച്ചത്. കഥകളി കലാ കാരൻ ചാത്തന്നൂർ കൊച്ചുനാരായണ പിള്ള ആശാന്‍റെ നേതൃത്വത്തിലായിരുന്നു സംഘം എത്തിയത്. സൗദിയിലാകെമാനമുള്ള 26 ലക്ഷത്തോളം വരുന്ന ഇന്ത്യക്കാരുടെ പരിഛേദമായി മാറും ഈ ദിവസങ്ങളിൽ ഇവിടെ നടക്കുന്ന കലാ സാംസ്കാരിക പരിപാടികൾ.
ഇന്ത്യ അടക്കം ഫിലിപ്പൈൻസ്, ഇന്തൊനീഷ്യ, പാക്കിസ്ഥാൻ, യെമൻ, സുഡാൻ, സിറിയ, ബംഗ്ലാദേശ് ഈജിപ്ത് എന്നീ ഒൻപത് രാജ്യങ്ങളുടെ കലാ സാംസ്കാരിക പരിപാടികളാണ് നവംബർ 30 വരെ സുവൈദി പാര്‍ക്കില്‍ നടക്കുന്നത്.
21 മുതൽ 25 വരെ ഫിലിപ്പൈൻസ്, 26 മുതൽ 29 വരെ ഇന്തൊനീഷ്യ, 30 മുതൽ നവംബർ 2 വരെ പാക്കിസ്ഥാൻ, നവംബർ 3 മുതൽ 6 വരെ യെമൻ,7 മുതൽ 16 വരെ സുഡാൻ, 17 മുതൽ 19 വരെ സിറിയ,20 മുതൽ 23 വരെ ബംഗ്ലാദേശ്, 24 മുതൽ 30 വരെ ഈജിപ്ത് എന്നിങ്ങനെയാണ് ഓരോ രാജ്യങ്ങൾക്കുളള സമയക്രമം നൽകിയിട്ടുള്ളത്.
പരിപാടികൾ ആസ്വദിക്കാൻ സന്ദർശകർക്ക് പ്രവേശനം പൂർണ്ണമായും സൗജന്യ മാണെങ്കിലും http://webook.com എന്ന വെബ്‌സൈറ്റ് വഴിയോ ആപ്പിലൂടെയോ മുൻകൂട്ടി ടിക്കറ്റ് എടുത്തുവേണം എത്തിച്ചേരാൻ. സ്വദേശികളും വിദേശികളും ഉൾപ്പടെ പതിനായിര ങ്ങളാണ് ഈ ദിവസങ്ങളിൽ പരിപാടികൾ ആസ്വദിക്കാനൊഴുകി യെത്തുക.
മുൻവർഷങ്ങളിലേപ്പൊലെ ഒരാഴ്ചയിലധികം നീളുന്ന ഇന്ത്യയുടെ ദിവസങ്ങളിൽ ഏറെ ആളുകൾ ഇത്തവണയും ഏത്തിച്ചേരുമെന്നാണ് സംഘാടകർ പ്രതീക്ഷിക്കുന്നത്. റിയാദിലുള്ള ഇന്ത്യൻ സമൂഹമപ്പാടെ ഈ ദിവസങ്ങളിൽ ഇവിടേക്ക് എത്തിച്ചരും. സൗദിയിൽ ഇന്ത്യക്കാരുടേയും പ്രത്യേകിച്ച് മലയാളികളുടേയും ഒട്ടനവധി കലാ, കായിക, സാമൂഹിക, സാംസ്കാരിക, രാഷ്ട്രീയ സംഘടനകളും സംസ്ഥാന, ജില്ല, പ്രാദേശിക കൂട്ടായ്മകളും പ്രവർത്തിക്കുന്നുണ്ട്. സുവൈദി പാർക്കിലേക്ക് പ്രവേശനം സൗജന്യമാകുന്നതുകൊണ്ട് വൈകുന്നേരങ്ങളിൽ ജോലികഴിഞ്ഞെത്തുന്ന സാധാരണ ക്കാരായ കലാ ആസ്വാദകരായ പ്രവാസികളുടെ കേന്ദ്രമായിമാറും ഈ ദിനങ്ങൾ.
