ക്രിമിനല്‍ കുറ്റാരോപണങ്ങള്‍ പരിശോധിക്കാന്‍ സമിതിക്ക്‌ അധികാരമില്ല, ചെയര്മാന് കത്തയച്ച് മഹുവ
മലയാളമിത്രം ഗൾഫ് ഡസ്ക് 
റിയാദ്: സൗദിയിലെ അസീര്‍ മേഖലയില്‍ സ്ഥിതി ചെയ്യുന്ന ചരിത്ര നഗരമായ തബാബിലെ അബൂ നുഗ്ത കോട്ടകള്‍ 2024ലെ മികച്ച ടൂറിസം വില്ലേജുകളുടെ പട്ടികയില്‍ ഉള്‍പ്പെടുത്തി യുഎന്‍ വേള്‍ഡ് ടൂറിസം ഓര്‍ഗനൈസേഷന്‍. സൗദി അറേബ്യന്‍ ടൂറിസം മന്ത്രി അഹമ്മദ് അല്‍ ഖത്തീബിന്റെ സാന്നിധ്യത്തില്‍ കൊളംബിയയിലെ കാര്‍ട്ട ജീനയില്‍ നടന്ന ചടങ്ങിലാണ് ഇതുമായി ബന്ധപ്പെട്ട പ്രഖ്യാപനം നടന്നത്.
അബൂ നുഗ്ത കോട്ടകളെ അന്തര്‍ദേശീയ പട്ടികയില്‍ ഉള്‍പ്പെടുത്തിയതില്‍ സന്തോഷം പ്രകടിപ്പിച്ച അല്‍ ഖത്തീബ്, സൗദി അറേബ്യയിലുടനീളമുള്ള വിവിധ സ്ഥലങ്ങളുടെ വൈവിധ്യമാര്‍ന്ന ചരിത്രപരവും സാംസ്‌കാരികവുമായ പ്രാധാന്യത്തിനുള്ള വലിയ അംഗീകാരമാണ് യുഎന്‍ ടൂറിസം ഓര്‍ഗനൈസേഷന്റെ ഈ പ്രഖ്യാപനമെന്ന് അഭിപ്രായപ്പെട്ടു. നൂറ്റാണ്ടുകള്‍ നീണ്ടുനില്‍ക്കുന്ന അതിന്റെ സമ്പന്നമായ പൈതൃക ത്തിന്റെ തെളിവാണിത്. ചരിത്രപരമായ ലാന്‍ഡ്മാര്‍ക്കുകള്‍ ആഗോള വിനോദസഞ്ചാര കേന്ദ്രങ്ങളായി പ്രോത്സാഹിപ്പിക്കുന്നതിനുള്ള രാജ്യത്തിന്റെ പ്രതിബദ്ധതയുടെ പ്രതിഫലനമാണിതെന്നും അദ്ദേഹം അഭിപ്രായപ്പെട്ടു.
ടൂറിസം മന്ത്രാലയം, മറ്റ് സര്‍ക്കാര്‍ സ്ഥാപനങ്ങളുമായി സഹകരിച്ച്, സൗദി അറേബ്യ യുടെ ഗ്രാമീണ പൈതൃകത്തിന്റെ സംരക്ഷണവും ആഗോള അംഗീകാരവും ഉറപ്പാക്കി ക്കൊണ്ട് കൊട്ടാരത്തെ അവാര്‍ഡിനായി നാമനിര്‍ദ്ദേശം ചെയ്തിരുന്നു. ചടങ്ങില്‍, അബൂ നുഗ്ത കാസില്‍സ് ചെയര്മാന് സയീദ് ബിന്‍ സൗദ് അബൂ നുഗ്ത അല്‍ – മുതാഹിമി സ്മരണിക ഉപഹാരം ഏറ്റുവാങ്ങി.
ആസിറിലെ ചരിത്ര നഗരമായ തബാബില്‍ സ്ഥിതി ചെയ്യുന്ന അബൂ നുഗ്ത കോട്ടകള്‍ ഈ പ്രദേശത്തെ ഏറ്റവും പ്രധാനപ്പെട്ട ചരിത്ര അടയാളങ്ങളിലൊന്നാണ്. ആധികാരികമായ അസിരി പൈതൃകത്തെ പ്രതിഫലിപ്പിക്കുന്ന തനതായ വാസ്തുവിദ്യാ രൂപകല്പനകളാല്‍, പ്രാദേശിക പാറക്കല്ലുകള്‍ കൊണ്ട് നിര്‍മിച്ച നിരവധി കോട്ടകളും ഘടനകളും കോട്ടക ളില്‍ അടങ്ങിയിരിക്കുന്നു. വെളുത്ത മാര്‍ബിളില്‍ പണിത ജനലുകളും പാര്‍ശ്വഭാഗ ങ്ങളും കൊണ്ട് അലംകൃതമായ ഈ കോട്ടകള്‍, സമൃദ്ധമായ തബാബ് താഴ്വരയുടെ പശ്ചാത്തലത്തില്‍ സന്ദര്‍ശകര്‍ക്ക് അവിസ്മരണീയമായ കാഴ്ചാനുഭവങ്ങളാണ് പ്രദാനം ചെയ്യുക.
ചരിത്രപരവും സാംസ്‌കാരികവുമായ പൈതൃകങ്ങളാല്‍ സമ്പന്നമായ ഒരു പട്ടണമായ തബാബില്‍ നൂറുകണക്കിന് വര്‍ഷങ്ങള്‍ പഴക്കമുള്ള നിരവധി കോട്ടകളും കൊട്ടാര ങ്ങളും പള്ളികളും ഉണ്ട്. സന്ദര്‍ശകര്‍ക്ക് വൈവിധ്യമാര്‍ന്ന സൗകര്യങ്ങളുള്ള ഒരു പ്രമുഖ സാംസ്‌കാരിക വിനോദസഞ്ചാര കേന്ദ്രമാണിത്. സമുദ്രനിരപ്പില്‍ നിന്ന് 2,400 മീറ്റര്‍ ഉയരത്തില്‍ അബ്ഹയില്‍ നിന്ന് ഏകദേശം 25 കിലോമീറ്റര്‍ വടക്ക് പടിഞ്ഞാറായി സ്ഥിതി ചെയ്യുന്ന തബാബ്, വാദി തബാബ്, വാദി അല്‍ – മഗൗത്ത്, വാദി ദബുവോയ് തുടങ്ങിയ പ്രശസ്തമായ താഴ്വരകളാല്‍ ചുറ്റപ്പെട്ടിരിക്കുന്നു. അല്‍ ഹാദന്‍, സീന, അല്‍ ഗാല്‍ തുടങ്ങിയ ഗ്രാമങ്ങളില്‍ വ്യാപിച്ചുകിടക്കുന്ന കോട്ടകളും കൊട്ടാരങ്ങളും പോലെയുള്ള മറ്റ് ചരിത്രപ്രാധാന്യമുള്ള സ്ഥലങ്ങളും ഈ നഗരത്തിലുണ്ട്.
