ജയൻ കൊടുങ്ങല്ലൂർ 
റിയാദ് : സർക്കാർ ഉദ്യോഗസ്ഥർ ജന സേവകരാണെന്നുള്ളത് തെളിയിക്കുന്നതാണ് അൽ ഖർജ് ലേബർ കോർട്ടിലെ പ്രവർത്തനങ്ങൾ. ഒരു സർക്കാർ സ്ഥാപനത്തെ ജനങ്ങൾ സമീപിക്കുന്നത് നിയമപരമായ സഹായത്തിന് വേണ്ടിയണ്. ആധുനീക യുഗത്തിൽ എല്ലാം വിരൽ തുമ്പിൽ കിട്ടുമ്പോൾ അനാവശ്യ കാരണങ്ങൾ പറഞ്ഞ് ജനങ്ങളെ ബുദ്ധിമുട്ടിക്കാതെ, സംവിധാനങ്ങളുടെ സാധ്യതകൾ എങ്ങിനെ ജനങ്ങളുടെ ജീവിതം മാറ്റിമറിക്കാനാകുമെന്നാണ് ഒരു കൂട്ടം സർക്കാർ ജീവനക്കാർ ചിന്തിക്കുന്നത്.
സ്വദേശികളുടെയും വിദേശികളുടെയും ന്യായമായ ഏതൊരു ആവശ്യവും അനുഭാവ പൂർവ്വം പരിഗണിക്കുകയും, വേഗത്തിൽ തീർപ്പാക്കുകയും ചെയ്യുന്നതിന് പേരുകേട്ട സ്ഥാപന്മാണ് അൽഖർജ് ലേബർ കോർട്ട് (മക്തബുൽ അമൽ). മേഖലയിലെ ഇന്ത്യൻ തൊഴിലാളികളുടെ പ്രശ്ന പരിഹാരത്തിന് എന്നും ഇന്ത്യൻ എംബസിക്ക് താങ്ങായി ലേബർ കോർട്ട് നിലകൊണ്ടിട്ടുണ്ടെന്ന് എംബസി ഉദ്യോഗസ്ഥർ പറയുന്നു.
കഴിഞ്ഞ ദിവസം അസുഖ ബാധിതനായ മലപ്പുറം സ്വദേശി മുഹമ്മദിനെ അഞ്ച് മണി ക്കൂറ് കൊണ്ടാണ് നടപടി ക്രമങ്ങൾ പൂർത്തിയാക്കി നാട്ടിലെത്തിക്കാൻ സഹായിച്ചത്. ഗുരുത മായ അസുഖം ബാധിച്ച മുഹമ്മദിനെ അടിയന്തിര ശസ്ത്രക്രിയക്ക് വിധേയനാ ക്കാൻ ഡോക്ടർ നിർദേശിച്ചതിനെ തുടർന്ന്, നാട്ടിലയക്കാനുള്ള നടപടിയിലേക്ക് കടക്കു മ്പോഴാണ് വിസാ കാലാവധി അവസാനിച്ചതായി അറിയുന്നത്. സാധാരണ ഇത്തരം കേസുകൾക്ക് ചുരുങ്ങിയത് ഒരാഴ്ച സമയമെടുക്കും. അടിയന്തിര ഇടപെടൽ ആവശ്യ മായ മുഹമ്മദിൻ്റെ കേസിൽ ഇടപെടുന്നതിനായി, ഇന്ത്യൻ എംബസി കേളി അൽഖർജ് ഏരിയ ജീവകാരുണ്യ കൺവീനർ നാസർ പൊന്നാനിയെ ചുമതലപെടുത്തി.
നിലവിൽ വിസ കാലാവധി അവസാനിച്ചവർക്ക് എക്സിറ്റ് നൽകുന്നത് നിർത്തി വെച്ചിരി ക്കുന്ന സാഹചര്യം കൂടിയാണ്. സൗദിയുടെ പുതിയ നിയമനുസരിച്ച് 30 ദിവസത്തെ വിസ കാലാവധി ഉള്ളവർക്കാണ് എക്സിറ്റ് നൽകുകയുള്ളൂ, മാത്രമല്ല ഇഖാമ കാലയളവി നുള്ളിൽ രാജ്യം വിടുകയും വേണം.മുഹമ്മദിൻ്റെ അവസ്ഥ ബോധ്യപ്പെട്ട ഉദ്യോഗസ്ഥർ അധികാരികളിൽ നിന്നും പ്രത്യേകം അനുമതി വാങ്ങിയാണ് കാര്യങ്ങൾ നീക്കിയത്.
ആവശ്യമായ രേഖകൾ ശരിയാക്കാനുള്ള സമയം എടുത്തുകൊണ്ട് അതിവേഗം കാര്യ ങ്ങൾക്ക് തീർപ്പുണ്ടാക്കുകയും ഇന്ത്യൻ എംബസിയുടെ സഹായത്താൽ അന്ന്
രാത്രി തന്നെ അദ്ദേഹത്തെ നാട്ടിലെത്തിക്കുവാനും സാധിച്ചു. ഉദ്യോഗസ്ഥരുടെ അവസ രോചിതമായ ഇടപെടൽ ഒരു മനുഷ്യൻ്റെ ജീവന്നാണ് തിരിച്ചു നൽകിയത്. ഈ പ്രവർത്ത നത്തെ ഇന്ത്യൻ എംബസി പ്രത്യേകമായി അഭിനന്ദിക്കുകയും ചെയ്തു. ഇന്ത്യൻ എംബസി ഉദ്യോഗസ്ഥരായ മൊയിൻ അക്തർ, മുഹമ്മദ് നസീമുദ്ധീൻ, ഫുർഹാൻ എന്നിവർ നാസർ പൊന്നാനി മുഖേന അനുമോദനം അറിയിച്ചു.
ലേബർ കോർട്ട് ഓഫീസർമാരായ ഹസൻ മുഹമ്മദ് ഹസീരി. കലിമുദ്ധീൻ ജുവൈസിർ, മിഷാൽ ഫഹദ് അൽമോതിവി എന്നിവർ നേതൃത്വം നൽകുന്ന മറ്റ് ഓഫീസർമാരു ടെയും കൂട്ടായ പ്രവർത്തനമാണ് കാര്യങ്ങൾ സുഖമമാക്കുന്നത്. നിരവധി കേസുകൾ കഴിഞ്ഞ കുറെ വർഷങ്ങളായി ഇവർ കൈകാര്യം ചെയ്യുന്നു
