ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
തിരുവനന്തപുരം: ആഗോള അയ്യപ്പസംഗമത്തിന് ചെലവായ തുകയുടെ വിശദാംശങ്ങള് ഉടന് പുറത്തു വിടണമെന്ന് രമേശ് ചെന്നിത്തല. ഒരു ദിവസത്തെ പരിപാടിക്ക് എട്ടുകോടി രൂപ ചെലവായതിന്റെ ലോജിക് പിടി കിട്ടുന്നില്ലെന്നും കമ്മീഷന് കൂടി ചേര്ത്ത തുകയാണ് ഈ എട്ടുകോടിയെന്നും അദ്ദേഹം ആരോപിച്ചു. ഏതൊക്കെ ഇനത്തിലാണ് പണം ചെലവാക്കിയത് എന്നറിയാന് ജനങ്ങള്ക്ക് അവകാശ മുണ്ട്.
വിദേശത്തു നിന്നും വന്തോതില് പ്രതിനിധികള് എത്തുമെന്നായിരുന്നു സര്ക്കാരിന്റെ അവകാശ വാദം. എന്നാല് കാര്യമായി ആരും എത്തിയില്ല. നാലായിരം അതിഥികള്ക്കുണ്ടാക്കിയ ഭക്ഷണം പോലും വെട്ടി മൂടേണ്ടി വന്നു. എല്ലാ ഫണ്ടിലും കയ്യിട്ടു വാരാന് കേരളത്തിലെ വിശ്വാസി സമൂഹം അനുവദിക്കി ല്ലെന്നും ചെന്നിത്തല പറഞ്ഞു.
അയ്യപ്പസംഗമത്തിന്റെ ചെലവ് സ്പോണ്സര്മാരില് നിന്നും കണ്ടെത്തുമെന്നാണ് സര്ക്കാര് അറിയി ച്ചിരുന്നത്. എന്നാല് ഇതുവരെ സ്പോണ്സര്മാരില് നിന്ന് എത്ര തുക കിട്ടിയെന്നും ഏതൊക്കെ സ്പോണ്സര്മാരാണ് പണം നല്കിയതെന്നും വ്യക്തമാക്കണം പൊളിഞ്ഞുപോയ പരിപാടിക്ക് എട്ടു കോടി നല്കിയ സ്പോണ്സര്മാര് ആരാണെന്നും അദ്ദേഹം ചോദിച്ചു. ഇതുവരെ നാലു കോടിയോളം രൂപ ബില് ഇനത്തില് മാറിയിട്ടുണ്ട്. ഇതെല്ലാം ദേവസ്വം ബോര്ഡിന്റെ വര്ക്കിങ് ഫണ്ടില് നിന്നാണ് പോയിരിക്കുന്നത്. വിശ്വാസികളുടെ കാണിക്കയാണ് ദേവസ്വം ബോര്ഡിന്റെ വരുമാനമെന്നും അദ്ദേഹം പറഞ്ഞു.
