ക്രിമിനല്‍ കുറ്റാരോപണങ്ങള്‍ പരിശോധിക്കാന്‍ സമിതിക്ക്‌ അധികാരമില്ല, ചെയര്‍മാന്‌ കത്തയച്ച് മഹുവ
ജയൻ കൊടുങ്ങല്ലൂർ 
ഇന്ത്യക്കാർ വിവാഹങ്ങൾക്കായി ചെലവഴിക്കുന്ന തുക വിദ്യാഭ്യാസത്തിനായി ചെലവഴിക്കുന്ന തുകയുടെ ഇരട്ടിയാണെന്നാണ് പുതിയ റിപ്പോർട്ട്. ഇൻവെസ്റ്റ്‌മെന്റ് ബാങ്കിംഗ് ആന്‍ഡ് ക്യാപിറ്റൽ മാർക്കറ്റ് സ്ഥാപനമായ ജെഫരീസിന്റെ സമീപകാല റിപ്പോർട്ട് അനുസരിച്ച്, ഇന്ത്യൻ വിവാഹ വിപണിയുടെ മൂല്യം 130 ബില്യൺ ഡോളറാണ് (ഏകദേശം 10.7 ലക്ഷം കോടി രൂപ), യുഎസ് വിവാഹ വിപണിയുടെ ഇരട്ടി വലുപ്പം. ലഭ്യമായ വിവിധ വിവരങ്ങളുടെയും പ്രധാന വിവാഹകേന്ദ്രങ്ങളില്‍ നേരിട്ടു നടത്തിയ പഠനങ്ങളുടേയും അടിസ്ഥാനത്തിലാണ് പഠനം..
ഒരു ഇന്ത്യൻ വിവാഹത്തിന്റ ശരാശരി ചെലവ് ഏകദേശം 15,000 ഡോളറാണെന്ന് (ഏകദേശം ₹ 12.5 ലക്ഷം), റിപ്പോർട്ട് പറയുന്നു. പ്രീ-പ്രൈമറി മുതൽ ബിരുദം വരെയുള്ള വിദ്യാഭ്യാസത്തിനായി ഒരു ശരാശരി ഇന്ത്യൻ ദമ്പതികൾ ചെലവഴിക്കുന്നതിന്റെ ഇരട്ടിയാണിത്. ഇന്ത്യൻ വിവാഹ വിപണി യുഎസ് വിപണിയുടെ ഇരട്ടി വലുപ്പ മുള്ളതാണ്, എന്നാൽ ചൈനയുടേതിനേക്കാൾ ചെറുതുമാണ്. ശരാശരി, ഇന്ത്യക്കാർ വിവാഹങ്ങൾക്കായി ചെലവഴിക്കുന്നത് രാജ്യത്തിന്റെ പ്രതിശീർഷ ജിഡിപിയുടെ അഞ്ചിരട്ടിയാണ്. (₹2.4 ലക്ഷത്തിലധികം).
വിവാഹ ആഘോഷവ്യവസായം നിരവധി ചെറുകിട ബിസിനസ്സുകളും വ്യക്തിഗത സേവന ദാതാക്കളും ചേർന്നതാണ്. കാരണം, വ്യത്യസ്തമായ പ്രദേശങ്ങൾക്ക് തനതായ വിവാഹ പാരമ്പര്യങ്ങളുണ്ട്, ഇത്തരം ആവശ്യങ്ങൾ നിറവേറ്റുന്നത് പ്രാദേശിക ചെറുകിട ബിസിനസ് സംരഭകരാണ്. ജ്വല്ലറി വിൽപ്പനയുടെ പകുതിയിലധികവും വിവാഹാവശ്യത്തിനായുള്ള വധുവിന്റെ ആഭരണങ്ങളിൽ നിന്നാണ്. ചെലവിന്റെ 10% ത്തിലധികം വസ്ത്രങ്ങൾക്കുള്ള തും. കാറ്ററിംഗ് വിവാഹച്ചെലവിന്റെ 20%വും, ഇവന്റുകൾ 15% ചെലവു പങ്കിടുന്നു.
ഡെസ്റ്റിനേഷൻ വെഡ്ഡിംഗിന് വേണ്ടി വിദേശത്തേക്ക് പോകുന്നതിന് പകരം വിവാഹം ഇന്ത്യയിൽ നടത്താൻ പ്രധാനമന്ത്രി നരേന്ദ്ര മോദിയും ഇന്ത്യക്കാരെ പ്രോത്സാഹിപ്പിച്ചു. ഇത് പ്രാദേശിക സമ്പദ്‌വ്യവസ്ഥയെ പിന്തുണയ്ക്കാൻ ലക്ഷ്യമിട്ടുള്ളതാണ്.
