ന്യൂ സനയ്യ ഏരിയ സമ്മേളനം സംഘാടക സമിതി രൂപീകരിച്ചു.

റിയാദ്: കേളി കലാസാംസ്കാരിക വേദിയുടെ പന്ത്രണ്ടാം കേന്ദ്ര സമ്മേളനത്തിന്റെ മുന്നോടിയായി ന്യൂ സനയ്യ ഏരിയായുടെ 9- മത് സമ്മേളനത്തിന്റെ സംഘാടക സമിതി രൂപീകരിച്ചു. അഞ്ച് യൂണിറ്റ് സമ്മേളനങ്ങളും സമയബന്ധിതമായി പൂർത്തിയാക്കിയ ശേഷമാണ് ഓഗസ്റ്റ് 8ന് നടക്കുന്ന ഏരിയാ സമ്മേളനത്തിന്റെ സുഗമമായ നടത്തിപ്പിനായി സംഘാടകസമിതി രൂപീകരിച്ചത്.

ഏരിയാ സമ്മേളനത്തിന്റെ സംഘാടകസമിതി രൂപീകരണ യോഗത്തിൽ ഏരിയ ജോയിന്റ് സെക്രട്ടറി തോമസ് ജോയി ആമുഖപ്രഭാഷണം നടത്തി. ഏരിയ പ്രസിഡണ്ട്‌ നിസാർ മണ്ണഞ്ചേരി അധ്യക്ഷനായി .കേളി ട്രഷറർ ജോസഫ് ഷാജി സംഘാടക സമിതി രൂപീകരണയോഗം ഉദ്ഘാടനം ചെയ്തു.

ഏരിയ സെക്രട്ടറി ഷിബു തോമസ് സംഘാടകസമിതി പാനൽ അവതരിപ്പിച്ചു. ചെയർമാനായി തോമസ്ജോയിയേയും കൺവീനറായി രാജേഷ് ഓണാക്കുന്നി നെയും തെരഞ്ഞെടുത്തു. കൂടാതെ സാമ്പത്തികം , ഭക്ഷണം, പർച്ചേ സിംഗ്, ഗതാഗതം തുടങ്ങി വിവിധ ചുമതലകൾ പങ്കുവച്ചു കൊണ്ട് 40അംഗ സംഘാടക സമിതി രൂപീകരിച്ചു.

കേളി സെക്രട്ടറി സുരേഷ് കണ്ണപുരം കേന്ദ്ര കമ്മിറ്റി അംഗങ്ങളായ ഷാജി റസാഖ്,ലിബിൻ പശുപതി, പ്രദീപ്‌ കൊട്ടാരത്തിൽ ഏരിയ രക്ഷാധികാരി കമ്മറ്റി കൺവീനവർ ബൈജു ബാലചന്ദ്രൻ ഏരിയ രക്ഷാധികാരി കമ്മറ്റി അംഗങ്ങളായ താജുദീൻ,അബ്ദുൽ നാസർ, എന്നിവരും ആശംസകൾ അർപ്പിച്ച് സംസാരിച്ചു. സംഘാടക സമിതി കൺവീനർരാജേഷ് ഓണാക്കുന്ന് യോഗത്തിന് നന്ദി രേഖപ്പെടുത്തി.