ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
കേരളത്തില് നിന്നുള്ള കന്യാസ്ത്രീകളുടെ അറസ്റ്റിന് പിന്നാലെ ഛത്തീസ്ഗഡ് മുഖ്യമന്ത്രി നടത്തിയ പ്രസ്താവനയില് പ്രതികരിച്ച് എഐസിസി ജനറല് സെക്രട്ടറി കെസി വേണുഗോപാല്. മുഖ്യമന്ത്രി തന്നെ ഇങ്ങനെ പറയുമ്പോള് വലിയ ഗൂഢാലോചനയാണ് ഇതില് നടന്നതെന്ന് വ്യക്തമാകുന്നുവെന്ന് കെസി അഭിപ്രായപ്പെട്ടു.
പ്രസ്താവന നിയമവിരുദ്ധവും ഭരണഘടനാ വിരുദ്ധവുമാണ്. എഫ്ഐആറില് അന്വേഷണം നടക്കാനി രിക്കെ സംസ്ഥാനത്തിന്റെ മുഖ്യമന്ത്രി തന്നെ ബജ്രംഗദളിന്റെ ആരോപണങ്ങള് ശരിയാണെന്ന് പറഞ്ഞാല് എന്ത് നീതിയാണ് ലഭിക്കുകയെന്നും കെസി ചോദിച്ചു. എന്ത് തെളിവിന്റെ അടിസ്ഥാനത്തിലാണ് അദ്ദേഹം ഇത് പറഞ്ഞതെന്നും കെസി ആരാഞ്ഞു.
ബജ്രംഗ്ദളും മുഖ്യമന്ത്രിയും ഒരേ കാര്യങ്ങള് ആവര്ത്തിക്കുമ്പോള് മുഖ്യമന്ത്രി അടക്കം അറിഞ്ഞു കൊണ്ടുള്ള ഗൂഢാലോചനയാണോ നടന്നതെന്ന് പറയേണ്ടുന്ന അവസ്ഥ. വളരെ ഗൗരവകരമായ വിഷയമാണ്. പ്രധാനമന്ത്രിയും കേന്ദ്ര ആഭ്യന്തരമന്ത്രിയും ഒരക്ഷരം മിണ്ടുന്നില്ല. നീതി നടപ്പിലാക്കണം. വിഷയം വെറുതെ വിടില്ല.
