ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
ദുബായ്: യുഎഇയുടെ വിസ പൊതുമാപ്പ് പദ്ധതി കാലയളവില്, വിസ കാലാവധി കഴിഞ്ഞ് രാജ്യത്ത് തങ്ങുന്നവര്ക്ക് തങ്ങളുടെ വിസ സ്റ്റാറ്റസ് ക്രമപ്പെടുത്തുന്നതിനോ രാജ്യം വിടുന്നതിനോ എന്തൊക്കെ നടപടിക്രമങ്ങളാണ് പൂര്ത്തിയാക്കേണ്ടത് എന്നതിനെ കുറിച്ച് ഇനിയും സംശയങ്ങള് ബാക്കിയുണ്ടോ? എങ്കില് ആശങ്ക വേണ്ട. ഫെഡറല് അതോറിറ്റി ഫോര് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്ഡ് പോര്ട്ട് സെക്യൂരിറ്റി (ഐസിപി) ഇതുമായി ബന്ധപ്പെട്ട വിശദമായ മാര്ഗനിര്ദ്ദേശങ്ങള് പുറപ്പെടുവിച്ചിട്ടുണ്ട്. ഒട്ടേറെ പവാസികള് സംശയങ്ങളുമായി ബന്ധപ്പെടുന്ന പശ്ചാത്തലത്തിലാണ് നടപടിക്രമങ്ങള് വിശദീകരിച്ച് അധികൃതര് രംഗത്തെത്തിയത്.
താമസ വിസ കാലഹരണപ്പെട്ട ശേഷം രാജ്യത്ത് നിയമവിരുദ്ധമായി തുടരുന്ന വ്യക്തികളില് മാനവ വിഭവശേഷി, എമിറേറ്റൈസേഷന് മന്ത്രാലയം നല്കുന്ന സാധുതയുള്ള വര്ക്ക് പെര്മിറ്റ് ഇല്ലാത്തവരാണ് ഒരു വിഭാഗം.
ഇവര് പൊതുമാപ്പിന് ശേഷം രാജ്യത്ത് താമസിക്കാനും യുഎഇയില് ജോലി തുടരാനു മാണ് ആഗ്രഹിക്കുന്നതെങ്കില്, പുതിയ തൊഴില് സ്ഥാപനത്തിന്റെ അഫിലിയേഷന് അനുസരിച്ച് മാനവ വിഭവശേഷി, എമിറേറ്റൈസേഷന് മന്ത്രാലയം മുഖേനയോ അല്ലെങ്കില് ബന്ധപ്പെട്ട അതോറിറ്റി മുഖേനയോ പുതിയ വര്ക്ക് പെര്മിറ്റിന് അപേക്ഷിക്കണം. നിങ്ങളുടെ നിലവിലെ തൊഴിലുടമയ്ക്കൊപ്പം തുടരാന് നിങ്ങള് ആഗ്രഹിക്കുന്നുവെങ്കില്, നിങ്ങള് ഐസിപി വഴി നിങ്ങളുടെ റെസിഡന്സി പുതുക്കണം.
ഇനി ഈ വിഭാഗത്തില് പെട്ടവര് പൊതുമാപ്പിന് ശേഷം രാജ്യം വിടാനാണ് ലക്ഷ്യമിടുന്നതെങ്കില് യുഎഇയില് നിന്ന് പുറത്തുകടക്കുന്നതിനുള്ള എക്സിറ്റ് പെര്മിറ്റിന് അപേക്ഷിക്കണം. ദുബായിലെ ഐസിപി സര്വീസ് സെന്റര് അല്ലെങ്കില് ആമിര് സെന്റര് സന്ദര്ശിച്ച് എക്സിറ്റ് പെര്മിറ്റിന് അപേക്ഷിക്കാം. നിങ്ങളുടെ വിരലടയാളം ഐസിപിയുടെ സിസ്റ്റത്തില് ഇല്ലെങ്കില്, ബയോമെട്രിക് സൗകര്യമുള്ള കേന്ദ്രങ്ങളിലൊന്നില് നേരിട്ടെത്തണം.’
അബുദാബി വിസകള്ക്കായി അല് ദഫ്ര, സ്വീഹാന്, അല് മഖാം, അല് ഷഹാമ എന്നിവിടങ്ങളിലോ ബയോമെട്രിക് ഫിംഗര്പ്രിന്റ് രജിസ്റ്റര് ചെയ്യുന്നതിനുള്ള ഉപകരണങ്ങള് സജ്ജീകരിച്ചിട്ടുള്ള ഏതെങ്കിലും സേവന കേന്ദ്രവത്തിലോ ആണ് പോവേണ്ടത്. ദുബായിലെ ആമിര് സെന്ററുകളിലോ ജനറല് ഡയറക്ടറേറ്റ് ഓഫ് റെസിഡന്സി ആന്ഡ് ഫോറിനേഴ്സ് അഫയേഴ്സ് ദുബായിലെ അല് അവീര് സെന്ററിലോ പോവണം. മറ്റ് എമിറേറ്റുകള് നല്കുന്ന വിസകള്ക്കായി ബയോമെട്രിക് ഫിംഗര്പ്രിന്റ് ക്യാപ്ചര് ഉപകരണങ്ങള് സജ്ജീകരിച്ചിട്ടുള്ള ഏതൊരു സേവന കേന്ദ്രത്തിലും വിരലടയാളം രേഖപ്പെടുത്തുന്നതിനായി സന്ദര്ശിക്കാം.
സ്വകാര്യമേഖലാ, ഗാര്ഹിക ജീവനക്കാര്
അതേസമയം, ഒരു സ്വകാര്യ മേഖലയിലെ തൊഴിലാളിയായോ വീട്ടുജോലിക്കാ രനായോ, മാനവ വിഭവശേഷി, എമിറേറ്റൈസേഷന് മന്ത്രാലയം നല്കിയ വിസയും തങ്ങളുടെ വര്ക്ക് പെര്മിറ്റും കാലഹരണപ്പെട്ട വ്യക്തികളാണ് നിയമലംഘകരില് മറ്റൊരു വിഭാഗം. അവര് പൊതുമാപ്പിന് ശേഷവും നിലവിലെ നിലവിലെ തൊഴിലു ടമയ്ക്കൊപ്പം തുടരാനാണ് ഉദ്ദേശിക്കുന്നതെങ്കില് തൊഴിലുടമ നിങ്ങളുടെ വര്ക്ക് പെര്മിറ്റ് പുതുക്കണം. തൊഴിലുടമയെ മാറ്റി മറ്റൊരു സ്ഥാപനത്തിനു കീഴിലാണ് പുതിയ ജോലി ആഗ്രഹിക്കുന്നതെങ്കില് നിങ്ങളുടെ പുതിയ തൊഴിലുടമ പുതിയ വര്ക്ക് പെര്മിറ്റിന് അപേക്ഷിക്കണം. ഇനി പൊതുമാപ്പിന് ശേഷം ഇവര് രാജ്യം വിടാനാണ് ആഗ്രഹിക്കുന്നതെങ്കി്# ഒരു എക്സിറ്റ് പെര്മിറ്റിന് അപേക്ഷിക്കുകയാണ് വേണ്ടത്.
സന്ദര്ശന വിസയില് എത്തിയവര്
പൊതുമാപ്പ് ഉപയോഗപ്പെടുത്തുന്ന മറ്റൊരു വിഭാഗം വിസിറ്റ്, ടൂറിസ്റ്റ് വിസകളില് വന്നശേഷം കാലാവധി കഴിഞ്ഞിട്ടും രാജ്യത്ത് നിന്ന് പുറത്തുപോവാത്തവരാണ്. ഇവര് പൊതുമാപ്പിന് ശേഷം യുഎഇയില് ജോലി ചെയ്യാന് ആഗ്രഹിക്കുന്നുവെങ്കില്, നിങ്ങളുടെ പുതിയ തൊഴില് ദാതാവ് മന്ത്രാലയം മുഖേനയോ അല്ലെങ്കില് ബന്ധപ്പെട്ട അതോറിറ്റി മുഖേനയോ പുതിയ വര്ക്ക് പെര്മിറ്റിന് അപേക്ഷിക്കണം. രാജ്യം വിടാനാണെങ്കില് മുന് കേസുകില് സൂചിപ്പിച്ച പോലെ ഒരു എക്സിറ്റ് പെര്മിറ്റിന് അപേക്ഷിക്കുക.
ഒളിവില് കഴിയുന്ന തൊഴിലാളികള്
ഒരു സ്വകാര്യ മേഖലയിലെ തൊഴിലാളിയായോ വീട്ടുജോലിക്കാരനായോ വന്ന വ്യക്തിയുടെ വര്ക്ക് പെര്മിറ്റും റസിഡന്സിയും കാലഹരണപ്പെടുകയും അതേസമയം അവര്ക്കെതിരെ ഒളിച്ചോട്ടത്തിന് കേസ് ഫയല് ചെയ്യപ്പെടുകയും ചെയ്ത കേസുകളില്, നിലവിലെ തൊഴിലുടമയ്ക്കൊപ്പം തുടരാനാണെങ്കില് ഒളിച്ചോടിയ പരാതി റദ്ദാക്കാ തെ തന്നെ മന്ത്രാലയം മുഖേന വര്ക്ക് പെര്മിറ്റ് പുതുക്കലിന് നിലവിലെ തൊഴിലുട മയ്ക്ക് അപേക്ഷിക്കാം. എന്നാല് വര്ക്ക് പെര്മിറ്റ് ഇപ്പോഴും സാധുവാണെങ്കില് ഒളിച്ചോടല് പരാതി റദ്ദാക്കാന് നിലവിലെ തൊഴിലുടമ അപേക്ഷിക്കണം.
മറ്റൊരു തൊഴിലുടമയുടെ കീഴിലേക്ക് മാറാനാണ് ഉദ്ദേശിക്കുന്നതെങ്കില് സ്ഥാപന ത്തിന്റെ അഫിലിയേഷന് അനുസരിച്ച് പുതിയ തൊഴിലുടമ മന്ത്രാലയത്തില് നിന്നോ ബന്ധപ്പെട്ട അതോറിറ്റി മുഖേനയോ പുതിയ വര്ക്ക് പെര്മിറ്റിന് അപേക്ഷിക്കണം. രാജ്യം വിടാന് ഉദ്ദേശിക്കുന്നവര് എക്സിറ്റ് പെര്മിറ്റ് എടുത്താല് മാത്രം മതിയാവും.
