സൗ​ദി​യി​ൽ കാ​റ​പ​ക​ടത്തിൽ ര​ണ്ട്​ യു.​എ.​ഇ പൗ​​ര​ന്മാ​ർ മ​രി​ച്ചു

അ​ബുദാബി: സൗ​ദി അ​റേ​ബ്യ​യി​ലു​ണ്ടാ​യ കാ​റ​പ​ക​ട​ത്തി​ൽ ര​ണ്ട്​ യു.​എ.​ഇ പൗ​ര​ന്മാ​ർ മ​രി​ച്ച​താ​യി വി​ദേ​ശ​കാ​ര്യ മ​ന്ത്രാ​ല​യം സ്ഥി​രീ​ക​രി​ച്ചു. അ​പ​ക​ട​ത്തി​ൽ മൂ​ന്നു പേ​ർ​ക്ക്​ പ​രി​ക്കേ​റ്റി​ട്ടു​ണ്ട്. ഇ​വ​രെ നാ​ഷ​ണൽ സെ​ർ​ച്ച്​ ആ​ൻ​ഡ്​ റ​സ്ക്യൂ സെ​ന്‍റ​റി​ന്‍റെ നേ​തൃ​ത്വ​ത്തി​ൽ വ്യോ​മ മാ​ർ​ഗം യു.​എ.​ഇ​യി​ലെ​ത്തി​ച്ചു.

സൗ​ദി​യി​ലെ ഹെ​യ്​​ലി​ലു​ള്ള കി​ങ്​ ഖാ​ലി​ദ്​ ആ​ശു​പ​ത്രി​യി​ൽ പ്രാ​ഥ​മി​ക ചി​കി​ത്സ ന​ൽ​കി​യ ശേ​ഷ​മാ​ണ്​ മൂ​ന്നു പേ​രെ​യും ശൈ​ഖ്​ ഖ​ലീ​ഫ മെ​ഡി​ക്ക​ൽ സി​റ്റി​യി​ലേ​ക്ക്​ മാ​റ്റി​യ​ത്. അ​യ​ൽ രാ​ജ്യ​ങ്ങ​ളാ​യ സൗ​ദി അ​റേ​ബ്യ, ഒ​മാ​ൻ എ​ന്നി​വി​ട​ങ്ങ​ളി​ലേ​ക്കുള്ള​​ യാ​ത്രയിൽ യു.​എ.​ഇ പൗ​ര​ന്മാ​ർ ഉ​ൾ​പ്പെ​ടു​ന്ന അ​പ​ക​ട​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ കൂ​ടു​ത​ൽ ജാ​ഗ്ര​ത പു​ല​ർ​ത്ത​ണ​മെ​ന്ന്​ അ​ധി​കൃ​ത​ർ പറഞ്ഞു.

അതേസമയം, ര​ക്ഷാ പ്ര​വ​ർ​ത്ത​ന​ത്തി​ൽ സ​ഹ​ക​രി​ച്ച സൗ​ദി അ​റേ​ബ്യ അ​ധി​കൃ​ത​ർ​ക്ക്​ യു.​എ.​ഇ വി​ദേ​ശ​കാ​ര്യ മ​ന്ത്രാ​ല​യം ന​ന്ദി അ​റി​യി​ച്ചു. ആ​ഴ്ച​ക​ൾ​ക്കു​മു​മ്പ്​ ഒ​മാ​നി​ൽ ഉ​ണ്ടാ​യ അ​പ​ക​ട​ത്തി​ൽ യു.​എ.​ഇ പൗ​ര​ന്മാ​ർ​ക്ക്​ ജീ​വ​ൻ ന​ഷ്ട​പ്പെ​ടു​ക​യും നി​ര​വ​ധി പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്തി​രു​ന്നു.