ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: രണ്ടു മാസക്കാലം നീണ്ടുനിന്ന യൂണിവേഴ്സൽ റിയാദ് ഇന്ത്യൻസ് ക്രിക്കറ്റ് ലീഗിന് വർണ്ണാഭമായ സമാപനം. ഫൈനലിൽ മികച്ച പ്രകടനം കാഴ്ചവെച്ച മാസ്റ്റേഴ്സ് റിയാദ് കിരീടം ചൂടി. റിയാദിലെ എക്സിറ്റ് 18 എം.സി.എ. ഗ്രൗണ്ടിൽ വെള്ളിയാഴ്ച ഉച്ചയ്ക്ക് നടന്ന ആവേശകരമായ ഫൈനലിൽ ഇലവൻ ഡക്ക്സിനെ തകർത്താണ് മാസ്റ്റേഴ്സ് കിരീടം സ്വന്തമാക്കിയത്. ടൂർണമെന്റിൽ മാറ്റുരച്ചത് 20 ടീമുകളാണ്. ടോസ് നേടിയ മാസ്റ്റേഴ്സ് എതിരാളികളെ ബാറ്റിങ്ങിന് അയച്ചപ്പോൾ, നിശ്ചിത 16 ഓവറിൽ 5 വിക്കറ്റ് നഷ്ടത്തിൽ 186 റൺസ് എന്ന മികച്ച സ്കോർ ഇലവൻ ഡക്ക്സ് നേടി.
എന്നാൽ, മറുപടി ബാറ്റിങ്ങിന് ഇറങ്ങിയ മാസ്റ്റേഴ്സിനെ മുന്നിൽ നിന്ന് നയിച്ചത് സുൽത്താൻ നിസാർ ആയിരുന്നു. ഇലവൻ ഡക്ക്സിന്റെ ബൗളിംഗ് നിരയെ കടപുഴക്കി, വെറും 36 പന്തിൽ നിന്ന് 107 റൺസ് എന്ന റെക്കോർഡ് സെഞ്ച്വറിയാണ് അദ്ദേഹം നേടിയത്. ഈ വെടിക്കെട്ടിന്റെ പിൻബലത്തിൽ 11.1 ഓവറിൽ 4 വിക്കറ്റ് നഷ്ടത്തിൽ മാസ്റ്റേഴ്സ് വിജയലക്ഷ്യം മറികടന്ന് കിരീടം ഉറപ്പിച്ചു. തീപ്പൊരി പ്രകടനം കാഴ്ചവെച്ച സുൽത്താൻ നിസാറിനെ ഫൈനലിലെ മാൻ ഓഫ് ദി മാച്ചായി തിരഞ്ഞെടുത്തു.
ടൂർണമെന്റിലുടനീളം മാസ്റ്റേഴ്സ് താരങ്ങളുടെ പ്രകടനം ശ്രദ്ധേയമായിരുന്നു. കിരീട നേട്ടത്തിന് പുറമെ വ്യക്തിഗത നേട്ടങ്ങളിലും മാസ്റ്റേഴ്സ് ആധിപത്യം സ്ഥാപിച്ചു. ഫൈനലിലെ ഹീറോയായ സുൽത്താൻ നിസാർ തന്നെയാണ് ടൂർണമെന്റിലെ മികച്ച താരത്തിനുള്ള (Player of the Tournament) ബഹുമതിയും നേടിയത്. മാസ്റ്റേഴ്സ് ടീമിലെ സജിത്ത് മികച്ച ബൗളറായും ഏറ്റവും മൂല്യമേറിയ കളിക്കാരനായും (Most Valuable Player) തിരഞ്ഞെടുക്കപ്പെട്ടു. ആർ.സി.സി.യുടെ മൻസൂറിനാണ് മികച്ച ബാറ്റ്സ്മാൻ പുരസ്കാരം ലഭിച്ചത്. ഇലവൻ ഡക്ക്സ് റണ്ണേഴ്സ് അപ്പായപ്പോൾ, യൂത്ത് ഇന്ത്യയും യു.ആർ.ഐ.യും യഥാക്രമം സെക്ക ൻഡ്, തേർഡ് റണ്ണേഴ്സ് അപ്പായി. ഫൈനലിനു ശേഷം നടന്ന ചടങ്ങിൽ, നവാസ് യൂണിവേഴ്സ ലിന്റെ നേതൃത്വത്തിൽ വിജയികൾക്കും വ്യക്തിഗത അവാർഡ് ജേതാക്കൾക്കുമുള്ള ട്രോഫികളും സമ്മാനങ്ങ ളും വിതരണം ചെയ്തു.
