കുവൈത്തിൽ ചൈ​നീ​സ് സൈ​ബ​ർ കു​റ്റ​വാ​ളി​ക​ൾക്ക്​ വിസ; ര​ണ്ടു​പേ​ർ അ​റ​സ്റ്റി​ൽ

കു​വൈ​ത്ത് സി​റ്റി: ചൈ​നീ​സ് സൈ​ബ​ർ കു​റ്റ​വാ​ളി​ക​ൾ​ക്ക് വി​സ അ​നു​വ​ദി​ച്ച​തി​ന്റെ പേരിൽ കു​വൈ​ത്തി​യെ​യും ഒരു ഈ​ജി​പ്ഷ്യ​ൻ പ്ര​വാ​സി​യെ​യും അ​റ​സ്റ്റ് ചെ​യ്തു. വാ​ണി​ജ്യ വി​സ​യി​ലാ​ണ് പ്ര​തി​ക​ൾ കു​വൈ​ത്തി​ലെ​ത്തി​യ​ത്. അ​റ​സ്റ്റി​ലാ​യ കു​വൈ​ത്തി​യു​ടെ ഉ​ട​മ​സ്ഥ​ത​യി​ലു​ള്ള​താ​ണ് വി​സ ന​ൽ​കി​യ ക​മ്പ​നി. 100 ദീ​നാ​റി​നാ​ണ് ചൈ​നീ​സ് പ്ര​തി​ക​ൾ​ക്ക് വാ​ണി​ജ്യ വി​സ ന​ൽ​കി​യ​തെ​ന്ന് പ്ര​തി​ക​ൾ സ​മ്മ​തി​ച്ചു.

ഈ​ജി​പ്ത് പൗ​ര​നെ രാ​ജ്യം വി​ടു​ന്ന​തി​ന് തൊ​ട്ടു​മു​മ്പ് വി​മാ​ന​ത്താ​വ​ള​ത്തി​ൽ നി​ന്നാ​ണ് പി​ടി​കൂ​ടി​യ​ത്. അ​റ​സ്റ്റി​ലാ​യ​വ​രെ തു​ട​ർ ന​ട​പ​ടി​ക​ൾ​ക്കാ​യി അ​ധി​കാ​രി​ക​ൾ​ക്ക് കൈ​മാ​റി. അ​ത്യാ​ധു​നി​ക ടെ​ലി​ക​മ്യൂ​ണി​ക്കേ​ഷ​ൻ സാ​ങ്കേ​തി​ക വി​ദ്യ ഉ​പ​യോ​ഗി​ച്ച് പ​ണം അ​പ​ഹ​രി​ക്കു​ന്ന രാ​ജ്യാ​ന്ത​ര ചൈ​നീ​സ് സം​ഘ​ത്തെ​യാ​ണ് സൈ​ബ​ർ ക്രൈം ​ഡി​പ്പാർ​ട്ട്മെ​ന്റ് ക​ഴി​ഞ്ഞ ദി​വ​സം പി​ടി​കൂ​ടി​യ​ത്.

ബാ​ങ്ക്, ടെ​ലി​കോം ക​മ്പ​നി​ക​ളു​ടെ നെ​റ്റ് വ​ർ​ക്കി​ൽ കടന്നുകയറി ഉ​പ​ഭോ​ക്താ​ക്ക​ൾ​ക്ക് വ്യാ​ജ സ​ന്ദേ​ശ​ങ്ങ​ൾ അ​യ​ച്ച് ബാ​ങ്ക് അ​ക്കൗ​ണ്ടു​ക​ളി​ൽ നിന്നും പ​ണം അ​പ​ഹ​രി​ക്കു​ന്ന​താ​യി​രു​ന്നു ഇ​വ​രു​ടെ രീ​തി. ടെ​ലി​കോം ക​മ്പ​നി​ക​ളും ബാ​ങ്കു​ക​ളും ന​ൽ​കി​യ പ​രാ​തി​ക​ളു​ടെ അ​ടി​സ്ഥാ​ന​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ ഫ​ർ​വാ​നി​യ​യി​ൽനി​ന്ന് പി​ടി​കൂ​ടി​യ​ത്. പ്ര​തി​ക​ൾ സ​ഞ്ച​രി​ച്ച കാ​റി​നു​ള്ളി​ൽ നി​ന്നും ഫ്ലാ​റ്റു​ക​ളി​ൽ നി​ന്നും ത​ട്ടി​പ്പി​ന് ഉ​പ​യോ​ഗി​ച്ച ആ​ധു​നി​ക ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ ഉൾപ്പെടെ പിടിച്ചെടുത്തു.