ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: മക്കയിലെ ഗ്രാന്ഡ് മോസ്കിൻ്റെയും മദീനയിലെ മസ്ജിദുന്നബവി അഥവാ പ്രവാചക പള്ളിയുടെയും സേവനത്തിനായി വളണ്ടിയര്മാരാവാന് അവസരം. രണ്ട് പള്ളികളുടെയും സംരക്ഷണ ത്തിനായുള്ള ജനറല് അതോറിറ്റി ഇതുമായി ബന്ധപ്പെട്ട് അപേക്ഷകള് ക്ഷണിച്ചു. വിശുദ്ധ റമദാന് മാസത്തില് പുരുഷന്മാര്ക്കും സ്ത്രീകള്ക്കും ഒരുപോലെ വളണ്ടിയര്മാരാവാന് അവസരങ്ങള് ഉണ്ടായിരിക്കുമെന്ന് അധികൃതര് അറിയിച്ചു.
റമദാനില് ഇരുപള്ളികളിലും ഉണ്ടാവുന്ന വലിയ തിരക്ക് പരിഗണിച്ചാണ് വളണ്ടിയര് പദ്ധതി നടപ്പിലാ ക്കുന്നത്. ലോകത്തിൻ്റെ നാനാഭാഗങ്ങളില് നിന്നായി ഉംറ തീര്ഥാടനം നിര്വഹിക്കാനും അഞ്ച് നേരത്തേ നിസ്ക്കാരത്തിനും റമദാനില് പ്രത്യേകമായുള്ള തറാവീഹ് പ്രാര്ഥനയ്ക്കും ജനലക്ഷങ്ങളാണ് ഇവിടെ എത്തിച്ചേരുക. ഇവര്ക്ക് ആവശ്യമായ സൗകര്യങ്ങളൊരുക്കാന് വളണ്ടിയര് സേവനം സഹായകമാവും
മക്കയിലെയും മദീനയിലെയും രണ്ട് വിശുദ്ധ പള്ളികളിലെ തീര്ത്ഥാടകര്ക്കും ആരാധകര്ക്കും സേവനം നല്കുന്നതിന് വേണ്ടിയാണ് സന്നദ്ധ പ്രവര്ത്തകരെ നിയോഗിക്കുന്നത്. വിശുദ്ധ മാസത്തില് പുണ്യ ഭവനങ്ങളില് ഉംറ തീര്ഥാടനത്തിനും പ്രാര്ഥനകള്ക്കുമായി എത്തിച്ചേരുന്ന വിശ്വാസികളെ സഹായിക്കാനുള്ള അവസരമാണ് ഇതിലൂടെ വളണ്ടിയര്മാര്ക്ക് ലഭിക്കുക. പതിനായിരക്കണക്കിന് വിശ്വാസികള്ക്ക് നോമ്പ് തുറക്കുന്നതിനായുള്ള ഇഫ്ത്താര് വിരുന്ന് ഒരുക്കുക, അവര്ക്കുള്ള ഭക്ഷണം വിതരണം ചെയ്യുക ഉള്പ്പെടെയുള്ള കാര്യങ്ങളിലും സന്നദ്ധ പ്രവര്ത്തികരുടെ സേവനം ഉപയോഗപ്പെടുത്തും.
ഇവയ്ക്കു പുറമെ. സാമൂഹിക സേവനങ്ങള്, ആരോഗ്യ സംരക്ഷണം, ബോധവല്ക്കരണ കാമ്പെയ്നുകള്, ജനക്കൂട്ട നിയന്ത്രണം എന്നിവയുള്പ്പെടെ വിവിധ മേഖലകളെ ഉള്ക്കൊള്ളുന്ന സമഗ്രമായ വളണ്ടിയര് പരിപാടികള് അതോറിറ്റി വികസിപ്പിച്ചെടുത്തതായി അധികൃതര് അറിയിച്ചു. മികച്ച വളണ്ടിയര്മാര്ക്ക് ഈ അവസരങ്ങള് പൂര്ണ്ണമായും ലഭ്യമാണ്. അവരുടെ സംഭാവനകള് ഗ്രാന്ഡ് മോസ്കിലേക്കും പ്രവാചക പള്ളിയിലേക്കും എത്തിച്ചേരുന്ന വിശ്വാസികളുടെ സന്ദര്ശന അനുഭവം മെച്ചപ്പെടുത്തുന്നു വെന്ന് ഉറപ്പാക്കുമെന്നും ജനറല് അതോറിറ്റി അഭിപ്രായപ്പെട്ടു.
സന്നദ്ധപ്രവര്ത്തന പ്രക്രിയ സംഘടിപ്പിക്കുന്നതിനും കൈകാര്യം ചെയ്യുന്നതിനും, സന്നദ്ധസേവന അവസരങ്ങള് തിരിച്ചറിയല്, ജോലി ആവശ്യകതകള് നിര്ണ്ണയിക്കല്, സന്നദ്ധ സംഘടനകളില് നിന്ന് അപേക്ഷകള് സ്വീകരിക്കല്, മേല്നോട്ട സ്ഥാപനങ്ങളില് നിന്ന് അംഗീകാരങ്ങള് നേടല്, അസോസി യേഷന് ലൈസന്സുകളുടെ സാധുത ഉറപ്പാക്കല് എന്നിവയുള്പ്പെടെ നിരവധി ഘട്ടങ്ങളും സംവിധാനങ്ങളും ഇതിനായി അതോറിറ്റി നിശ്ചയിച്ചിട്ടുണ്ട്.
ഇത്തരം പ്രവര്ത്തനങ്ങള് ഏകീകരിക്കുന്നതിനായി പ്രത്യേക വിഭാഗത്തിന് അതോറിറ്റി രൂപം നല്കി യിട്ടുണ്ട്. ദേശീയ വളണ്ടിയര് പ്ലാറ്റ്ഫോമില് രജിസ്റ്റര് ചെയ്തിട്ടുള്ള സര്ക്കാര് സ്ഥാപനങ്ങള്, സ്വകാര്യ എന്ഡോവ്മെൻ്റുകള്, ചാരിറ്റബിള് സംഘടനകള്, ലൈസന്സുള്ള വളണ്ടിയര് ടീമുകള് എന്നിവയ്ക്ക് വളണ്ടിയര് സേവന പദ്ധതിയിലേക്ക് അപേക്ഷിക്കാമെന്നും അധികൃതര് അറിയിച്ചു.
