ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
മൂവാറ്റുപുഴ: വാളകത്ത് ആള്ക്കൂട്ട മര്ദനത്തിനിരയായ അതിഥി തൊഴിലാളിയുടെ മരണകാരണം നെഞ്ചിലും തലയ്ക്കുമേറ്റ ആഴത്തിലുള്ള മുറിവാണെന്ന് പോസ്റ്റ്മോര്ട്ടം റിപ്പോര്ട്ട്. മര്ദനത്തെ തുടര്ന്നുണ്ടായ മുറിവും ആന്തരിക രക്തസ്രാവവുമാണ് മരണത്തിന് കാരണമായതെന്നാണ് പ്രാഥമിക പോസ്റ്റ്മോര്ട്ടം റിപ്പോര്ട്ടില് പറയുന്നത്. അതേസമയം, സംഭവവുമായി ബന്ധപ്പെട്ട് പത്തുപേരെ പോലീസ് കസ്റ്റഡിയിലെടുത്തു. സി.പി.ഐ. മുന് പഞ്ചായത്ത് അംഗം ഉള്പ്പെടയുള്ളവരാണ് കസ്റ്റഡിയിലുള്ളത്.
അരുണാചല്പ്രദേശ് സ്വദേശി അശോക് ദാസാണ് മൂവാറ്റുപുഴ വാളകത്ത് കഴിഞ്ഞദിവസം ആള്ക്കൂട്ട മര്ദനത്തിനിരയായി കൊല്ലപ്പെട്ടത്. വാളകത്തെ ഹോട്ടലില് ജോലിചെയ്തുവരികയായിരുന്നു അശോക് ദാസ്.
അശോകിനൊപ്പം ജോലി ചെയ്തിരുന്ന പെണ്സുഹൃത്തിനെ കാണാനെത്തിയപ്പോഴാണ് ആക്രമണമുണ്ടായതെന്നാണ് പോലീസ് പറയുന്നത്. വ്യാഴാഴ്ച്ച രാത്രിയായിരുന്നു സംഭവം. വാളകം കവലക്ക് സമീപം രണ്ട് സ്ത്രീകള് വാടക്ക് താമസിക്കുന്ന സ്ഥലത്തെത്തിയ അശോക് ദാസിനെ നാട്ടുകാര് ചോദ്യംചെയ്തു. ഇതിനിടെ ഓടി രക്ഷപ്പെടാന് ശ്രമിച്ച ഇയാളെ പിടികൂടി നാട്ടുകാര് റോഡരികില് കെട്ടിയിട്ടു. വിവരം അറിയിച്ചതിനെത്തുടര്ന്ന് സ്ഥലത്തെത്തിയ പോലീസാണ് അശോകിനെ ആശുപത്രിയില് കൊണ്ടുപോയത്. ഡോക്ടര്മാരുടെ നിര്ദ്ദേശത്തെത്തുടര്ന്ന് കോട്ടയം മെഡിക്കല് കോളേജിലേക്ക് കൊണ്ടുപോകാനൊരുങ്ങുന്നതിനിടെ വെള്ളിയാഴ്ച പുലര്ച്ചയോടെ മരിച്ചു.
വാടകക്ക് താമസിക്കുന്ന സ്ത്രീകളിലൊരാളും കൊല്ലപ്പെട്ട അശോക് ദാസും സുഹൃത്തുക്കളാണ്. വാടക വീട്ടിലെത്തിയ ഇയാള് മദ്യപിച്ചതായും കൈകളില് ചോരയുമായി റോഡിലെത്തിയപ്പോഴാണ് ചോദ്യം ചെയ്തതെന്നും പറയുന്നുണ്ട്. അതേസമയം, അശോക് ദാസിന്റെ മൃതദേഹം ശനിയാഴ്ച ബന്ധുക്കള്ക്ക് വിട്ടുകൊടുക്കുമെന്ന് പോലീസ് അറിയിച്ചു.
