ചരിത്രസ്മരണകളുമായി എടപ്പ; റിയാദിൽ സൗദി സ്ഥാപകദിനം ആഘോഷിച്ചു.

റിയാദ്: എറണാകുളം ജില്ലാ പ്രവാസി അസോസിയേഷൻ റിയാദ്, സൗദി അറേബ്യയുടെ ചരിത്രപ്രധാന ദിനമായ സൗദി ഫൗണ്ടിംഗ്ഡേ ആവേശത്തോടെയും ദേശ സ്നേഹാഭിമാനത്തോടെയും അൽമാസ് ഓഡിറ്റോറിയത്തിൽ സംഘടിപ്പിച്ചു. 1727-ൽ ഇമാം മുഹമ്മദ് ബിൻ സൗദ് സ്ഥാപിച്ച ആദ്യ സൗദി സംസ്ഥാനത്തിന്റെ ചരിത്രപ്രാധാന്യം വിവരിച്ച് ഫൗണ്ടിംഗ് ഡേയുടെ മഹത്വം വിശദീകരിച്ചു.

പ്രസിഡന്റ് കരീം കാനാമ്പുറം അധ്യക്ഷത വഹിച്ച ചടങ്ങിൽ, പീസ് വാലി റിയാദ് ചാപ്റ്റർ പ്രസിഡന്റ് ഷിയാസ് കോട്ടയിൽ ഉൽഘാടനം നിർവഹിച്ചു. സൗദി ഭരണകൂടം പ്രവാസികൾക്ക് നൽകുന്ന സുരക്ഷിതവും വികസനാത്മകവുമായ ജീവിതാന്തരീക്ഷത്തിന് അദ്ദേഹം നന്ദി രേഖപ്പെടുത്തി. സൗദി അറേബ്യ പ്രവാസികൾക്ക് രണ്ടാമത്തെ മാതൃഭൂമിയാണെന്നും അദ്ദേഹം അഭിപ്രായപ്പെട്ടു. എടപ്പ ഭാരവാഹികളായ ഷുക്കൂർ ആലുവ, എം സാലി ആലുവ, അംജദ് അലി, ജിബിൻ സമദ്, എടപ്പ വുമൺസ് കളകറ്റീവ്സിൽ നിന്ന് നസ്രിയ ജിബിൻ, സബീന എം സാലി, നജു കബീർ എന്നിവർ ആശംസകൾ നേർന്നു.

എടപ്പ ടീമംഗങ്ങളായ മുഹമ്മദ് ഉവൈസ്, അഡ്വ. അജിത്‌ഖാൻ, ജസീർ കോതമംഗലം, നിഷാദ് ചെറുവട്ടൂർ, സഹൽ പെരുമ്പാവൂർ, പികെ ഷജീർ, സിയാവുദീൻ, നിജിൽ, സൗമ്യ സക്കറിയ, അമൃത മേലെമഠം, സ്വപ്‌ന ഷുക്കൂർ, സഫ്‌ന അമീർ, ലിയാ ഷജീർ എന്നിവർ പങ്കെടുത്തു. കേക്ക് കട്ടിങ്ങും മധുര വിതരണത്തോടും കൂടി അവസാനിച്ച ആഘോഷത്തിൽ, സെക്രട്ടറി സുഭാഷ് അമ്പാട്ട് സ്വാഗതവും ട്രഷറർ അമീർ കാക്കനാട് നന്ദിയും രേഖപ്പെടുത്തി. സൗഹാർദ്ദവും സാംസ്കാരിക മൂല്യങ്ങളും സമൂഹസേവനവും ശക്തിപ്പെടുത്താൻ എടപ്പ തുടർന്നും പ്രതിബദ്ധമാണെന്ന് ഭാരവാഹികൾ അറിയിച്ചു.