ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: ഇഖാമ-തൊഴില് നിയമലംഘകരെ കണ്ടെത്താന് സൗദി അറേബ്യയിലുടനീളം ശക്തമായ പരിശോധന തുടരുന്നു. കഴിഞ്ഞ ഒരാഴ്ചയ്ക്കിടെ രാജ്യത്തിന്റെ വിവിധ ഭാഗങ്ങളില് നിന്നായി 17,896 നിയമലംഘകരെ അറസ്റ്റ് ചെയ്തതായി സൗദി ആഭ്യന്തര മന്ത്രാലയം അറിയിച്ചു. പതിനായിരത്തിലധികം പേരെ കഴിഞ്ഞ ഒരാഴ്ചയ്ക്കിടെ നാടുകടത്തുകയും ചെയ്തു.
ജനുവരി 25 മുതല് 31 വരെയുള്ള ഏഴ് ദിവസങ്ങളിലെ കണക്കാണ് ആഭ്യന്തര മന്ത്രാലയം പുറത്തുവിട്ടത്. ഇക്കാലയളവില് വിവിധ പ്രവിശ്യകളില് സുരക്ഷാ വകുപ്പുകള് നടത്തിയ റെയ്ഡുകളില് 10,874 ഇഖാമ നിയമലംഘകരും 4,123 നുഴഞ്ഞു കയറ്റക്കാരും 2,899 തൊഴില് നിയമലംഘകരും അടക്കം ആകെ 17,896 പേരാണ് അറസ്റ്റിലായത്.
കഴിഞ്ഞ ഒരാഴ്ചയ്ക്കിടെ അതിര്ത്തികള് വഴി രാജ്യത്ത് നുഴഞ്ഞുകയറാന് ശ്രമിച്ച 937 പേരാണ് പിടിക്കപ്പെട്ടത്. അനധികൃതമായി രാജ്യംവിടാന് ശ്രമിച്ച 48 പേരും അറസ്റ്റി ലായി. നുഴഞ്ഞുകയറ്റക്കാര്ക്കും നിയമലംഘകര്ക്കും താമസ, യാത്രാ സൗകര്യങ്ങളും ജോലിയും നല്കിയ ഏഴു പേരും പിടിയിലായി. നുഴഞ്ഞുകയറ്റക്കാര്ക്ക് സൗകര്യം ഒരുക്കുന്നവര്ക്ക് കനത്ത ശിക്ഷയാണ് ലഭിക്കുക.
പരിശോധനയില് പിടിക്കപ്പെട്ടവരെ നാടുകടത്തല് കേന്ദ്രങ്ങളിലേക്ക് മാറ്റി. അതാത് രാജ്യങ്ങളുടെ എംബസിയില് നിന്ന് പാസ്പോര്ട്ട് ഉള്പ്പെടെയുള്ള യാത്രാ രേഖകള് ലഭിക്കുന്ന മുറയ്ക്ക് ഇവരെ നാടുകടത്തും. നടപടികള് പൂര്ത്തിയാക്കിയ 10,096 പേരെയാണ് ജനുവരി 25 മുതല് 31 വരെയുള്ള ദിവസങ്ങളില് നാടുകടത്തിയത്.
നിലവില് വിവിധ പ്രവിശ്യകളിലെ നാടുകടത്തല് കേന്ദ്രങ്ങളില് കഴിയുന്ന 56,686 പേര്ക്കെതിരെ തിരിച്ചയക്കുന്നതിനുള്ള നടപടികള് സ്വീകരിച്ചുവരികയാണ്. ഇവരില് 5,241 പേര് വനിതകളാണ്. സ്വദേശങ്ങളിലേക്ക് തിരിച്ചയക്കുന്നതിനു മുന്നോടിയായി 49,721 പേര്ക്ക് താല്ക്കാലിക യാത്രാരേഖകള് സംഘടിപ്പിക്കാന് എംബസികളുമായും കോണ്സുലേറ്റുകളുമായും ബന്ധപ്പെട്ടിട്ടുണ്ട്. പാസ്പോര്ട്ട് ലഭിച്ച 1,789 പേര്ക്ക് യാത്രാ ടിക്കറ്റുകള് ബുക്ക് ചെയ്യാന് നടപടികള് സ്വീകരിക്കുന്നതായും ആഭ്യന്തര മന്ത്രാലയം അറിയിച്ചു.
