ഈയാഴ്ച സൗദി അറേബ്യയില്‍ മഞ്ഞുവീഴ്ചയുണ്ടാകുമെന്ന് മുന്നറിയിപ്പ്.

ദമാം:സൗദി അറേബ്യയില്‍ ഈയാഴ്ച കനത്ത മഞ്ഞുവീഴ്ചയും ഇടിമിന്നലുമുണ്ടാകുമെന്ന് മുന്നറിയിപ്പ്. രാജ്യത്താകമാനം പൊടിക്കാറ്റുമുണ്ടാകും. വെളളിയാഴ്ച വരെ സമാന കാലാവസ്ഥ തുടരുമെന്നും സൗദി പ്രസ് ഏജന്‍സി റിപ്പോർട്ട് ചെയ്യുന്നു.

മണിക്കൂറില്‍ 60 കിലോമീറ്റർ വേഗതയിലായിരിക്കും കാറ്റ് വീശുക. തബൂക്ക്, അൽ-ജൗഫ്, വടക്കൻ അതിർത്തി മേഖല, ഹൈൽ, അൽ-ഖാസിം, കിഴക്കൻ പ്രവിശ്യ, റിയാദ്, മക്ക, മദീന എന്നിവിടങ്ങളിൽ പൊടിക്കാറ്റുണ്ടാകുമെന്നും അറിയിപ്പില്‍ പറയുന്നു.