ന്യൂസ്‌ ബ്യൂറോ പാലക്കാട് 
പാലക്കാട്: പാലക്കാട് ജില്ലയിലെ കോളജ് യൂണിയൻ തെരഞ്ഞടുപ്പിൽ വിജയക്കൊടി പാറിച്ച് കെഎസ്‌യുവിന്റെ ശക്തമായ തിരിച്ചു വരവ്. മൂന്ന് കോളജുകളിൽ കെഎസ്‌യു യൂണിയൻ പിടിച്ചെടുത്തു. പട്ടാമ്പി ഗവ. കോളജില്‍ 42 വര്‍ഷത്തിന് ശേഷവും വിക്ടോറിയ കോളജില്‍ 23 വര്‍ഷത്തിന് ശേഷവുമാണ് കെഎസ്യുവിന് യൂണിയൻ ലഭിക്കുന്നത്. നെന്മാറ എന്‍എസ്എസ് കോളജിലും കെഎസ്യുവിന് വിജയം.
ഒറ്റപ്പാലം എന്‍എസ്എസ് കോളജ്, തൃത്താല ഗവ. കോളജ് എന്നിവിടങ്ങളിലും കെഎസ്‌യുവിനാണ് ആധിപത്യം. ഇതാദ്യമായാണ് ഈ കോളജുകളിൽ കെഎസ്‌യു മുന്നിലെത്തുന്നത്. മണ്ണാർക്കാട് എംഇഎസിൽ ആറിൽ നിന്നും പതിനെട്ടിലേക്ക് കെഎസ്‌യു സീറ്റ് നില ഉയർത്തി.
