ന്യൂസ് ബ്യൂറോ കോഴിക്കോട് 
കോഴിക്കോട് മുക്കത്ത് കിടക്ക ദേഹത്ത് വീണ് രണ്ട് വയസ്സുകാരന് ദാരുണാന്ത്യം. മണാശ്ശേരി പന്നൂളി സന്ദീപ്-ജിന്‍സി ദമ്പതികളുടെ മകന്‍ ജെഫിന്‍ സന്ദീപാണ് മരിച്ചത്. കുട്ടി ഉറങ്ങിക്കിടക്കുമ്പോഴായിരുന്നു അപകടം. ഇന്നലെ വൈകിട്ട് ഏഴ് മണിയോടെയാണ് സംഭവം.
ചുവരില്‍ ചാരിവെച്ച കിടക്ക തലയില്‍ വീഴുകയായിരുന്നു. കുട്ടിയെ ഉറക്കി കിടത്തി അമ്മ കുളിക്കാന്‍ പോയ സമയത്താണ് അപകടം ഉണ്ടായത്. മൃതദേഹം പോസ്റ്റുമോര്‍ ട്ടത്തിനായി കോഴിക്കോട് മെഡിക്കല്‍ കോളേജിലേക്ക് മാറ്റി. ഇതിന് ശേഷം ബന്ധു ക്കള്‍ക്ക് വിട്ടുകൊടുക്കും.
