കുവൈത്ത് സിറ്റി: കോഴിക്കോട് ജില്ല അസോസിയേഷൻ കുവൈത്ത് 2022-23 വർഷത്തെ വിദ്യാഭ്യാസ അവാർഡുകൾക്ക് അപേക്ഷ ക്ഷണിച്ചു. അസോസിയേഷൻ അംഗങ്ങളുടെ മക്കളുടെ ഉന്നത വിദ്യാഭ്യാസത്തിന് മുൻതൂക്കം നൽകാനായി ഏർപ്പെടുത്തിയതാണ് അവാർഡുകൾ.
2022-23 അധ്യയന വർഷം 10, 12 ക്ലാസുകളിലെ പൊതുപരീക്ഷയിൽ 80 ശതമാനത്തിൽ കൂടുതൽ മാർക്ക് നേടിയവരെ പരിഗണിക്കും. അസോസിയേഷന്റെ ഈ വർഷത്തെ ഓണം-ഈദ് ആഘോഷം ഒക്ടോബർ 13ന് ഖൈത്താൻ ഇന്ത്യൻ കമ്യൂണിറ്റി സ്കൂളിൽ സംഘടിപ്പിക്കും. ചടങ്ങിൽ വിദ്യാഭ്യാസ അവാർഡുകൾ വിതരണം ചെയ്യും.
ഇതിനായി അസോസിയേഷൻ അംഗങ്ങൾ സ്വയം സാക്ഷ്യപ്പെടുത്തിയ മാർക്ക് ലിസ്റ്റ് കോപ്പി സഹിതം സെപ്റ്റംബർ 25നുമുമ്പ് അതത് ഏരിയ പ്രസിഡന്റുമാർ മുഖേനയോ അസോസിയേഷൻ ഇ-മെയിലായ kozhikodeassociationkuwait@gmail.com എന്ന വിലാസത്തിലോ അപേക്ഷ സമർപ്പിക്കണം. അപേക്ഷകർ അസോസിയേഷൻ അംഗ ഐഡി നമ്പറോ, അസോസിയേഷനിൽ രജിസ്റ്റർ ചെയ്ത മൊബൈൽ നമ്പറോ മൊബൈൽ നമ്പർ മാറിയിട്ടുണ്ടെങ്കിൽ അതും അപേക്ഷയോടൊപ്പം നൽകണമെന്ന് പ്രസിഡന്റ് പി.വി. നജീബും ജനറൽ സെക്രട്ടറി ജാവേദ് ബിൻ ഹമീദും അറിയിച്ചു.