മലയാളമിത്രം വെബ് ഡസ്ക് 
എറണാകുളം ജനറൽ ആശുപത്രിയിൽ ഹൗസ് സർജൻസിക്കിടെ മുതിർന്ന ഡോക്ടറി ൽനിന്ന്‌ ലൈംഗികാതിക്രമം നേരിട്ടുവെന്ന സംഭവത്തിൽ പരാതിക്കാരിക്ക് മറുപടി നൽകി പൊലീസ്. വനിതാ ഡോക്ടർ നേരിട്ട് പരാതി നൽകിയാൽ കേസെടുക്കുമെന്ന് കൊച്ചി സിറ്റി പൊലീസ് അറിയിച്ചു. വനിതാ ഡോക്ടർ അയച്ച ഇ-മെയിൽ ആണ് ആശുപത്രി സൂപ്രണ്ട് പൊലീസിന് കൈമാറിയത്. അതേസമയം ആരോപണത്തിൽ പൊലീസ് കേസെടുത്താൽ തിരിച്ചടി ഉണ്ടാകുമെന്ന നിയമോപദേശവും ലഭിച്ചിട്ടുണ്ട്.
ഇ-മെയിൽ വഴിയുള്ള പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്യുന്നതിന് നിയമപരമായ പ്രശ്നം ഉണ്ട് എന്നാണ് പൊലീസ് വ്യക്തമാക്കുന്നത്. 2019-ൽ നടന്ന സംഭവ ത്തിൽ ഇ-മെയിൽ വഴിയായിരുന്നു വനിതാ ഡോക്ടർ പരാതി നൽകിയത്. ഈ പരാതി ആശുപത്രി സൂപ്രണ്ട് പൊലീസിന് കൈമാറുകയായിരുന്നു.
കേസെടുക്കുന്നതിന് വേണ്ടിയുള്ള കൂടിയാലോചനകൾ പൊലീസ് നേരത്തെ നടത്തി യിരുന്നു. എന്നാൽ ഇപ്പോൾ ലഭിച്ചിരിക്കുന്ന കത്തിൻ്റെ അടിസ്ഥാനത്തിൽ കേസ് രജിസ്റ്റർ ചെയ്താൽ തിരിച്ചടി ഉണ്ടാകുമെന്നാണ് പൊലീസിന് ലഭിച്ച നിയമോപദേശം. ഇക്കാരണത്താലാണ് ഇ-മെയിൽ പരാതിയിൽ എഫ്ഐആർ. രേഖപ്പെടുത്താതെ നേരിട്ടു പരാതി നൽകണമെന്ന് പൊലീസ് വാശി പിടിക്കുന്നത്.
ഇരായായ വനിതാ ഡോക്ടർ സംഭവത്തെ കുറിച്ച് കഴിഞ്ഞ ദിവസം സാമൂഹിക മാധ്യമ ത്തിൽ പോസ്റ്റ് ഇട്ടതോടെയാണ് ഇത് വിവാദമായത്. നിലവിൽ വനിതാ ഡോക്ടർ ദുബാ യിയിൽ താമസിക്കുകയാണ്. ആരോപണം നേരിട്ട സീനിയർ ഡോക്ടർ എറണാകുളം ജില്ലയിലെ മറ്റൊരു സർക്കാർ ആശുപത്രിയിൽ ജോലി ചെയ്തു വരികയാണെന്നാണ് വിവരം.
2019 ഫെബ്രുവരിയിലായിരുന്നു സംഭവം നടന്നതായി വനിതാ ഡോക്ടർ വ്യക്തമാക്കി യത്. ഹൗസ് സർജൻസി ചെയ്യുമ്പോൾ വൈകീട്ട് ആശുപത്രി ക്വാർട്ടേഴ്‌സിൽ മുതിർന്ന ഡോക്ടറുടെ സ്വകാര്യ കൺസൾട്ടിങ് മുറിയിൽ വെച്ചായിരുന്നു സംഭവമെന്നും അവർ ചൂണ്ടിക്കാട്ടിയിരുന്നു. താൻ തനിച്ചായിരുന്ന തന്നെ മുതിർന്ന ഡോക്ടർ ബലമായി ആലിംഗനം ചെയ്യുകയും ചുംബിക്കുകയും ചെയ്തെന്നാണ് വനിതാ ഡോക്ടർ തുറന്നു പറഞ്ഞിരിക്കുന്നത്.
