അന്താരാഷ്ട്ര ഡെസ്ക് 
റഷ്യയും ഉക്രെയ്നും യുദ്ധത്തിലെ ഏറ്റവും വലിയ തടവുകാരുടെ കൈമാറ്റം നടത്തിയെന്ന സ്ഥിതീകരണവുമായി അധികൃതർ. ഉക്രെയ്‌നിന് 230 സൈനികരെയും സാധാരണക്കാരെയും മോസ്കോയ്ക്ക് 248 സൈനികരെയും തിരികെ ലഭിച്ചു. എന്നാണ് പുറത്തു വരുന്ന റിപ്പോർട്ട്.
ഏകദേശം രണ്ട് വർഷം മുമ്പ് ആരംഭിച്ച സമ്പൂർണ്ണ യുദ്ധത്തിന് ശേഷമുള്ള ഏറ്റവും വലിയ തടവുകാരുടെ കൈമാറ്റമാണ് കൈവ് ബുധനാഴ്ച പ്രഖ്യാപിച്ചത്. യുണൈറ്റഡ് അറബ് എമിറേറ്റ്‌സ് ഇടനിലക്കാരനായ ഈ കൈമാറ്റം യുദ്ധം തുടങ്ങി മാസങ്ങൾ ക്കുള്ളിലെ നടന്ന ആദ്യത്തെ കൈമാറ്റമാണ് എന്നതാണ് ഏറെ ശ്രദ്ധേയം.
റഷ്യൻ അടിമത്തത്തിൽ നിന്ന് മോചിപ്പിക്കപ്പെട്ടവരിൽ 230 പുരുഷന്മാരും സ്ത്രീകളും സാധാരണ മിലിട്ടറിയിലെ 130 സൈനികർ, 55 ദേശീയ ഗാർഡ് സേനാംഗങ്ങൾ, രാജ്യത്തിന്റെ സ്റ്റേറ്റ് ബോർഡർ ഗാർഡ് സർവീസിലെ 38 അംഗങ്ങൾ, ഒരു ദേശീയ പോലീസ് ഉദ്യോഗസ്ഥൻ, ആറ് സിവിലിയൻമാർ എന്നിവരും ഉൾപ്പെടുന്നു എന്നും അധികൃതർ അറിയിച്ചു.
ഈ വ്യക്തികളിൽ ഭൂരിഭാഗവും യുദ്ധത്തടവുകാർ ആയിരുന്നു. കാണാതായതായി എന്ന് കരുതപെട്ടവരെയും തിരിച്ചു കിട്ടി. ഉക്രേനിയൻ പ്രസിഡന്റ് വോലോഡൈമർ സെലെൻസ്‌കി ഈ കൈമാറ്റത്തെ “ദീർഘകാലമായി കാത്തിരുന്ന നല്ല വാർത്ത” എന്ന് അഭിനന്ദിച്ചു.റഷ്യൻ അടിമത്തത്തിൽ കഴിയുന്ന എല്ലാ ഉക്രേനിയക്കാരെയും ഞങ്ങൾ ഓർക്കുന്നു എന്ന് അദ്ദേഹം രാജ്യത്തെ അഭിസംബോധന ചെയ്ത പ്രസ്താവനയിൽ പറഞ്ഞു.
കൈമാറ്റത്തിന് ഒരു നീണ്ട ഇടവേളയുണ്ടായിരുന്നു, എന്നാൽ കൈമാറ്റത്തെ സംബ ന്ധിച്ച ചർച്ചകൾക്ക് ഒരു വിരാമവുമില്ല. ഞങ്ങൾ എല്ലാ അവസരങ്ങളും പ്രയോജന പ്പെടുത്തുന്നു, എല്ലാ മധ്യസ്ഥത മാർഗങ്ങളും പരീക്ഷിക്കുന്നു. എല്ലാ അന്താരാഷ്ട്ര മീറ്റിംഗുകളിലും, ഞങ്ങളുടെ ബന്ദികളെ തിരികെ കൊണ്ടുവരുന്ന വിഷയം ഞങ്ങൾ ഉന്നയിക്കുന്നു.
ഞങ്ങളുടെ എല്ലാ ആളുകളെയും തിരികെ കൊണ്ടുവരാൻ ഞങ്ങൾ ഈ പ്രവർത്തനം തുടരും എന്നും അദ്ദേഹം പറഞ്ഞു.അതേസമയം, റഷ്യയുടെ പ്രതിരോധ മന്ത്രാലയം, യുക്രെയിനിൽ നിന്ന് 248 സൈനികരെ സ്വീകരിച്ചത് ദുഷ്കരമായ ചർച്ചകളുടെ ഫലമായാണ്, എന്നിരുന്നാലും മധ്യസ്ഥതയ്ക്ക് യുഎഇയോട് റഷ്യ നന്ദി പറഞ്ഞു. മോചിതരായ റഷ്യക്കാർക്ക് മെഡിക്കൽ, മാനസിക സഹായം നൽകുകയും ചികിത്സയും പുനരധിവാസവും നടത്തുകയും ചെയ്യുമെന്ന് മോസ്കോ ടെലിഗ്രാം പ്രസ്താവനയിൽ വ്യക്തമാക്കി.
