മലയാളമിത്രം ഗൾഫ് ഡസ്ക് 
ദമാം: ദമാനിലെ ബഖാലകളിലും സൂപ്പർമാർക്കറ്റുകളിലും പുകയില ഉത്പന്നങ്ങൾ വിൽക്കുന്നതിന് കർശന നിയന്ത്രണങ്ങൾ ആണ് ഏർപ്പെടുത്തിയിരിക്കുന്നത്. 18 വയസ്സിൽ താഴെ പ്രായമുള്ള കുട്ടികൾക്ക് പുകയിലയുൽപന്നങ്ങൾ വിൽക്കാൻ പാടില്ല. മാത്രമല്ല, ബക്കാലകളിൽ ഒരിടത്തും പുകയിലയുൽപന്നങ്ങളുടെ പരസ്യങ്ങൾ പ്രദർശിപ്പിക്കാൻ പാടില്ല. ഗ്രോസറി ഷോപ്പുകളിൽ ചിലർ പുകയില ഉത്പന്നങ്ങൾ വിൽക്കുന്നത് ശ്രദ്ധയിൽപ്പെട്ടിട്ടുണ്ട്. ഇനി അത് അനുവദിക്കില്ല.
പുകയില ഉത്പന്നങ്ങളുടെ ഉപയോഗം പ്രോത്സാഹിപ്പിക്കുന്ന പരസ്യങ്ങൾ പാടില്ല. ഇത്തരത്തിലുള്ള ചരക്കുകൾ രാജ്യത്ത് ഇറക്കുമതി ചെയ്യാൻ പാടില്ല. പുകയില ഉൽപന്നങ്ങളുടെ ഷെൽഫുകൾക്കു മുകളിൽ ആരോഗ്യപരമായ മുന്നറിയിപ്പുള്ള ലേബലുകൾ പതിച്ചിരിക്കണം. തുടങ്ങിയ നിർദേശങ്ങൾ ആണ് ദമാം നഗരസഭ നൽകിയിരിക്കുന്നത്.
