ന്യൂസ് ബ്യൂറോ കൊല്ലം 
കൊല്ലം: സനാതന ധര്‍മത്തെക്കുറിച്ച് ഡിഎംകെ നേതാവ് ഉദയനിധി സ്റ്റാലിന്‍ നടത്തിയ പരാമര്‍ശങ്ങള്‍ വിഡ്ഢിത്തമെന്ന് കേരള കോണ്‍ഗ്രസ് നേതാവും നടനുമായ കെബി ഗണേഷ് കുമാര്‍ എംഎല്‍എ. അതിനോട് ഒരുതരത്തിലും യോജിക്കാനാവില്ലെന്ന് ഗണേഷ് കുമാര്‍ പറഞ്ഞു.
മന്ത്രിമാരും ജനപ്രതിനിധികളും ഇത്തരം വിഡ്ഢിത്തരങ്ങള്‍ പറയാതിരിക്കുകയാണ് വേണ്ടത്. അറിയാവുന്ന വിഷയങ്ങള്‍ പറയുന്നതാണ് നല്ലത്. അയാള്‍ക്കു സിനിമയില്‍ അഭിനയിക്കാനറിയാം, രാഷ്ട്രീയവും അറിയാമായിരിക്കും. പിന്നെ അപ്പൂപ്പന്റെ മോനായിട്ടും അച്ഛന്റെ മോനായിട്ടും വന്നതാണ്. അല്ലാതെ രാഷ്ട്രീയത്തിന്റെ അടിത്തട്ടീന്ന് കിളച്ചു വന്നതല്ല.
ആരെങ്കിലും വിളിച്ചാല്‍ അവരെ സുഖിപ്പിക്കാന്‍ അവര്‍ക്കു വേണ്ടി പറയുന്നത് നല്ലതല്ലെന്ന് ഗണേഷ് കുമാര്‍ പറഞ്ഞു.
