അയർലൻഡ്: അയര്ലൻഡിലെ ലീമെറിക്കിൽ വെച്ച് എറണാകുളം നോർത്ത് പറവൂർ സ്വദേശിനിയായ സുജ പ്രദീപ് അന്തരിച്ചു. 50 വയസായിരുന്നു. അയർലൻഡിലെ ആദ്യകാല മലയാളികളിൽ ഒരാളും ലീമെറിക്കിലെ മണ്സറ്റര് ഇന്ത്യന് കള്ച്ചറല് അസോസിയേഷന് (മൈക്ക) പ്രസിഡന്റ് പ്രദീപ് രാം നാഥിന്റെ ഭാര്യയാണ്.
കഴിഞ്ഞ ദിവസം ഉച്ചക്ക് ശേഷമാണ് കുടുംബസമേതം ഇവർ പുറത്തുപോയത്. അവിടെ വെച്ചാണ് കുഴഞ്ഞു വീണത്. സുജ പ്രദീപിന് ഹൃദയാഘാതം സംഭവിക്കുന്നതും. ലീമെറിക്ക് യൂണിവേഴ്സിറ്റി ഹോസ്പിറ്റലിലേക്ക് എയര് ലിഫ്റ്റ് ചെയ്ത് എത്തിച്ചുവെങ്കിലും രാത്രിയോടെ മരണം സംഭവിക്കുകയായിരുന്നു. സുജ ഇതേ ഹോസ്പിറ്റലിലെ ജീവനക്കാരിയായിരുന്നു. വിദ്യാർഥിനികളായ നീനു, സോനു എന്നിവരാണ് മക്കൾ.
നാട്ടിൽ അവധിക്ക് പോയ ശേഷം സുജ അടുത്തിടെയാണ് ലീമെറിക്കിൽ മടങ്ങിയെ ത്തിയത്. ഇവിടെയുള്ള മലയാളികൾക്കെല്ലാം ഇവർ ഏറെ പരിചിതരാണ്. സാമൂഹിക സാംസ്കാരിക പ്രവർത്തനങ്ങളിൽ ഭർത്താവ് പ്രദീപിന് ഒപ്പം സുജയും ഉണ്ടായിരുന്നു. കേരളത്തിൽ എത്തിച്ച് സംസ്കരിക്കാനാണ് തീരുമാനിച്ചിരിക്കുന്നത്. അതിന് വേണ്ടിയുള്ള പ്രവർത്തനങ്ങൾ നടത്തും.