ആലപ്പുഴ/റിയാദ് : ഒ ഐ.സി.സി. നാഷണൽ കമ്മിറ്റി ജനറൽ സെക്രട്ടറിയും, റിയാദിലെ പൊതു പ്രവർത്തകനുമായിരുന്ന സത്താർ കായംകുളത്തിന്റെ വീട് ഒഐ.സി.സി. റിയാദ് സെൻട്രൽ കമ്മിറ്റി നേതാക്കൾ സന്ദര്ശിച്ചു കുടുംബത്തെ അനുശോചന മറിയിച്ചു.
സത്താറിന്റെ വേർപാട് ഒ ഐ.സി.സി.ക്കും റിയാദ് പൊതു സമൂഹത്തിനു തീരാ നഷ്ടമാണെന്ന് കുടുംബവുമായുള്ള സംഭാഷണത്തിൽ നേതാക്കൾ അഭിപ്രായപ്പെട്ടു. മുൻപ്രതിപക്ഷ നേതാവ് രമേശ് ചെന്നിത്തല സന്ദർശനത്തിന് നേതൃത്വം നൽകി.
മുൻ കെ. പി.സി.സി.സെക്രട്ടറി മാന്നാർ അബ്ദുള്ള ലത്തീഫ്, ഒ ഐ.സി.സി. നാഷണൽ കമ്മിറ്റി പ്രസിഡണ്ട് ബിജു കല്ലുമല, പുതുതായി തിരഞ്ഞെടുക്കപ്പെട്ട ഒ ഐ.സി.സി. റിയാദ് സെൻട്രൽ കമ്മിറ്റി പ്രസിഡണ്ട് അബ്ദുല്ല വല്ലാഞ്ചിറ, ട്രഷറർ സുഗതൻ നൂറനാട്, ജന.സെക്രട്ടറി സകീർ ദാനത്ത്, മലപ്പുറം ജില്ലാ ജന സെക്രട്ടറി ജംഷാദ് തുവൂർ, കമറുദ്ധീൻ താമരക്കുളം, അഷറഫ് കായംകുളം ഒ ഐ.സി. സി. മുൻ നേതാക്കളായ സുരേഷ് ബാബു, തുടങ്ങിയവർ സന്നിഹിതരായിരുന്നു.